數十個三星 Galaxy Note20 / Note20 Ultra 賣點:一句講晒,敗得過

Keith Yim 2020-08-04 15:54 | Samsung
現在的旗艦手機,真的貴到一個點,荷包無乜錢,真係買不到。所以,大家對旗艦手機,由外型到功能,要求不單要好高,還要好 XXX 咁高。Samsung 會在八月至九月左右,在香港推出 Galaxy Note20 系列。貴,就一定了,有 5G 也是必然。其他部份?從真機圖片看上來!外型已敗-得-過!版主搶先了解過其功能,無什麼驚天動地,但就是樣樣都有,用 Note20,你要威的話,可以,要用得盡先進功能,可以!有幾可以,下文話你知。

fb02.jpg

Note20 雙機: Ultra 再度現身

今次三星推出 Galaxy Note20,不單止一部而係兩部。買得起,識玩的話,一定是買 Note20 Ultra。規格有少少異同的是 Galaxy Note20。簡單來講,兩部都是 5G 手機。不理有無用,最重要要有,支援 5G 香港全頻,不會 5G 不全,係尖沙咀或是在大埔要 Show Off 你部機上網有幾快都可以。

旗艦手機,外型先決:Galaxy Note 20 Ultra 有三種色系:銅色、白色以及黑色,其中銅色採用霧面磨砂機身設計,黑色與白色則為亮面拋光機身。另外一款較為小巧的 Note 20,有三個色系:銅色、綠色以及灰色,全部色系皆採用霧面磨砂機身外觀設計。Note20 Ultra 芒比較大,體型都比較大;比下去,Note20 比較細!但細看 Detail 位,Note20 Ultra 比較方角,Note20 用上圓角。版主鍾愛 Note 20 Ultra,感覺行政 Feel,好合我四十有幾的歲數。我估版主阿坤會愛 Note 20,他雖然剛做「老豆」但其實未到三十,圓角會令他後生一點,不會有了 BB,立即變老。
   
睇完外型,兩款 Note20 最大分別在那裡?簡單來講,屏幕尺吋、手機顏色、電池容量、相機鏡頭組合。而因為手機處理器,RAM / ROM 材質都是一樣,兩款 Note20 差距不會好大。而 Note20 Ultra 有的強項,Note20 大部份都有。真的要揀的話,就看看你對手機 Size 及會否鏡頭是最「誇張」的一項了 (不用頂級,因為大家都知上次 S20 Ultra 的頂級相機,其實相當有鑊氣,今次 Note20 Ultra 效果如何?ePrice.HK 會有評測文的,留意留意。
 
  Note20 Ultra Note20
顏色 銅、白、黑 銅、綠、灰色
設計 銅(霧面磨砂)
白、黑(拋光機身)
 
霧面磨砂
屏幕 6.9 吋D-AMOLED 2X
「家燕姐」屏幕
Gorilla Glass Victus
120Hz 更新率
6.7 吋S-AMOLED
「家燕姐」屏幕
60Hz 更新率
防水 IP68 IP68
處理器 高通 S865 Plus 高通 S865 Plus
RAM 12GB 8GB
ROM 128GB / 256GB / 512GB 128GB / 256GB
外置記憶卡
電池 4500mAH 4300mAH
快充充電 25W 有線
15W 無線
25W 有線
15W 無線
音效 AKG 調校立體聲喇叭,支援杜比環迴音 AKG 調校立體聲喇叭,支援杜比環迴音
5G 連線
UWB技術晶片
 

十大 Note20 系列賣點

已看完外型,比較過基本規格,大家覺得 Note20 有型嗎?有了外型,都要講功能。版主數到十個賣點。當中有無黑科技?未必有,但樣樣都齊,作為旗艦手機,應該收貨啦!

001: 120Hz 屏幕

三星 Galaxy Note20 Ultra 用上 Dynamic AMOLED 2x 材質,亮度相比舊代提升了 25%,是 Galaxy Note 系列以來最光亮的屏幕。而最令人留意,應該是支持 120Hz 更新率,但只有在動態畫面時,才會變成 120Hz,而靜態畫面下,更新率則會自動調低。這個安排,應該會令手機比較慳電?

002: Qualcomm 最勁處理器 
不會讓 ASUS 與 Lenovo 專美!三星 Galaxy Note20 / Galaxy Note20 Ultra  香港版用上 Qualcomm Snapdragon 865 Plus,用上 S865 Plus,用上 S865 Plus!要講三次?唔用你先驚! 

004: 雙快充支援
五千大電池?其實未必需要吧!反而 S865 處理器都是慳電的。三星 Galaxy Note20 內置 4300mAh 電池,而 Galaxy Note20 Ultra 則內置 4500mAh 電池,並支持快速充電,有線快充最高為 25W,而無線快充則為 15W。三星表示,充電半小時,可把 Note20 充到 50% 或以上。

005: 拍片最強
影相?Out 了!現在手機要拍到靚片先至掂。Sony 拍片有 Pro Mode。今次 Galaxy Note20 系列,有 Pro Video Mode (專業影片模式),有乜玩?
- 8K 晝質攝錄: 16:9 (7680 x 4320) 以及 21:9 (7680 x 3296),每秒拍到 24 格 (24 fps)。
- 拍片 Zoom 可控可調:介面有一個「縮放」的按鍵,一下 Zoom 到最遠又得,慢慢 Zoom 到某個倍率都得,慢慢 Zoom 很順暢、自然。
-  全方位收音、前置收音、後置收音,又或者用藍牙 / USB 裝置收音。
- 一攝多拍:明明影靜態相,但 Note20 背後錄了 10 秒影片, AI 輸出 4 - 10 張精彩相片 / 影片片段,自動加入效果,雖然香港無咗 Tik Tok,但放在 IG Story,一樣好睇!

006: S Pen + Samsung Notes
S-Pen 有幾好用?真係用過才知道。你未過又好,是Fans 又好,以下六個升級位,你一定要知。睇完話我版主知,是否真的好有用。

(a) Auto Straighten:例如你寫字寫到好斜,只要按一按「拉直」的按鍵,就可以改變角度,由斜變回正。你亦可以將你手寫的變換成文字,這個功能上代已經加入在內。

(b) Audio Bookmark (語音書籤):讓你可以一邊錄音的同時,用 S Pen 在 Notes 上寫字,例如你在網上找了一份食譜放到 Notes 上,你想教朋友怎樣煮,或者一邊寫重點分享心得,你就可以一邊錄音,一邊用 S Pen 記下重點,再發送給其他朋友。

(c) 可直接用 Samsung Notes 打開 PDF 檔

(d) 可透過 Samsung 賬號,在不同裝置同步處理

(e) Notes 另存為 Word 檔及Powerpoint (ppt) 檔

(f) 可跟 Microsoft Outlook / OneNote 同步,並自動儲存

007: 打 Xbox Game
Sony 手機可以打 PS Game,Samsung Galaxy Note20 可以打 X Box Game!要跳起 Yeah 嗎?Samsung 會為 Note20 推出 X Box Game Pass Ultimate,這是 Microsoft 推出的 X Box 雲端遊戲服務,可用手機玩超過 100 款 X Box 遊戲,但目前香港未有支援,實際會推出的日期未定。但看看原來可以配 X Box 手掣來打機!好想要的話,就多點給意見及三星香港,請他們引入香港啦!

008: 打機之王
Samsung Galaxy Note20 在遊戲部份,有AI-Based Game Booster:透過 AI 的分析,調整手機效能,令打機時間得以延長;有更快的 240Hz 觸控反應; 藍牙耳機聲畫同步率提高。而散熱效能提高,令遊戲時更流暢,而且打機時間得以延長。用完  S-Pen 處理公事,再用來打機,爽呀! 

009 : 無線 Dex Mode,手機芒投射上電視
以前 Samsung Galaxy Note ,要用 Samsung DeX 模式,即是投身上電視機,變成類似電腦的介面,是要透過 HDMI Adator 用 HDMI 線。但 Note20 可以用無線方式直駁到支持 Mirror Cast 功能的電視,並提供 2K 的解像度。手機屏幕立即變成 Mouse 操控電視的介面!

010:獨家 UWB 晶片
Note 20 Ultra 加入了超高頻(UWB)技術晶片,並與 Google 合作加入「鄰近分享」功能,Note 20 Ultra 可透過 UWB 晶片做到指向性分享檔案,而由於「鄰近分享」是 Google 開放給 Android 手機的檔案傳送技術,因此也能透過此功能分享檔案給其他 Andorid 手機。而三星未來也會將 UWB 技術擴充到其他應用上,像是能以高準確度協助消費者尋找物體,或是透過手機解鎖家中大門。
   
按這裡有 Samsung Galaxy Note20 系列、Tab S7 系列、Z Fold 2、Watch3 及 Buds Life 更多介紹、評測、開賣及售價消息

相關產品 (1)

相關報導 (5)

三星 Note 20 系列閃電再平!衛訊劈價至 6 字頭

三星 Note 20 系列閃電再平!衛訊劈價至 6 字頭

後日(13/11)iPhone12ProMax及iPhone12Mini正式上市。市場有力同佢爭嘅,可能得番Android陣型嘅三星。尋日版主都已經跟大家分享過,三星官方搶先將旗艦型號Note20Ultra做減價,直減七百蚊。不過,呢啲人有我有嘅Discount,對於連鎖店嚟講,即係無減過。要搶生意,唯有出招!今次係衛訊。最正嘅係,佢哋將更優惠嘅discount,放咗係佢哋嘅eShop,即係上網買得到,唔駛揾舖同人迫。

Keith Yim | 2020-11-11
非屈就二線的旗艦機!三星 Note20 性能 PK Ultra

非屈就二線的旗艦機!三星 Note20 性能 PK Ultra

三星GalaxyNote20系列早前正式推出,但是大多網友對Note20的評測都是偏向負面,但是不是代表Note20不值得入手呢?小編就借到了真機,評測完同你講值不值得。

DanielTangHK | 2020-08-31
三星 Note20 系列有冇被降 grade?主要賣點跟你每項分析!

三星 Note20 系列有冇被降 grade?主要賣點跟你每項分析!

三星GalaxyNote20系列剛剛推出,版主Keith就跟大家分享了新機的賣點,但是原來相比上一代甚至S20系列,功能都有所刪減。那麼這些刪減又會否影響到用家的體驗呢?小編跟你分析一下。

DanielTangHK | 2020-08-16
正式發表!三星 Note20 / 20 Ultra 香港賣價、優惠確定

正式發表!三星 Note20 / 20 Ultra 香港賣價、優惠確定

早前版主稍為透露了少少風聲,告訴大家三星GalaxyNote20/Note20Ultra會在月中接受預訂,並且最貴賣價不過萬。當時就有網友質疑版主是否「無料扮四條」,表示美國、歐洲、國內最高容量版本的賣價兌換港幣都過萬,怎麼可能香港價會不過萬?現在,我可以告訴大家,GalaxyNote20系列的香港最新、目前最準的賣價消息,真的不過萬?看下文吧!#samsungnote20

左定坤 (Cho Ting Kwan) | 2020-08-13
數 10 個三星 Galaxy Note20 / Note20 Ultra 賣點:一句,敗得過

數 10 個三星 Galaxy Note20 / Note20 Ultra 賣點:一句,敗得過

Samsung會在八月至九月左右,在香港推出GalaxyNote20系列。貴,就一定了,有5G也是必然。其他部份?從真機圖片看上來!外型已敗-得-過!版主搶先了解過其功能,無什麼驚天動地,但就是樣樣都有,用Note20,你要威的話,可以,要用得盡先進功能,可以!有幾可以,下文話你知。#samsungnote20

Keith Yim | 2020-08-05

最新新聞