挑機 CMHK!SUN Mobile 出招 推 21M 中港數據 Plan,網友點揀?

2019-06-01 15:51
文章分享
最近發現,一向 sell 開平價的 SUN Mobile,推出咗一個新 Plan,似乎又要向 CMHK 挑機!呢個 Plan 叫「全中港通數據服務計劃」,簡單來說就係一個月費,包哂中港數據,聽落都好似無乜特別,而家 CMHK 好多 Plan 都送埋內地數據㗎啦,不過呢個 Plan 有少少 Gimmick 位,繼續睇落去,版主話你知!

挑機 CMHK!SUN Mobile 出招 推 21M 中港數據 Plan,網友點揀?
 


Gimmick 位 (1):21M Plan 送內地數據

如果比較 CMHK,CMHK 係申請 4.5G 全速本地服務計劃,先至會送大灣區數據,但 SUN Mobile 就將內地數據加入到 21M Plan 度,連埋行政費,平均 $131 月費就可以享有 5GB 21M 無限限速數據 + 額外 1GB 中國漫遊數據。

不過可惜,CMHK 嘅「平」,並唔係間間網絡商可以抗衡。SUN Mobile 面對的最大挑戰係,CMHK 嘅全速無限數據 Plan,6GB 月費都不過是 $138,同樣係有送 1GB 內地數據,而如果去網上商店上台,仲可以 $108 月費 Join 到,豁免埋 $18 行政費𠻹。講價錢,SUN Mobile 始終不及 CMHK,不過一個係用 csl. 網絡,一個係 CMHK 網絡,以平價月費來說,都可以叫做多個選擇咁嘅~挑機 CMHK!SUN Mobile 出招 推 21M 中港數據 Plan,網友點揀?

挑機 CMHK!SUN Mobile 出招 推 21M 中港數據 Plan,網友點揀?
▲ SUN Mobile 「全中港通數據服務計劃」。

挑機 CMHK!SUN Mobile 出招 推 21M 中港數據 Plan,網友點揀?
▲ CMHK 網上商店優惠。
 


Gimmick 位 (2):SUN Mobile Top-Up 數據更平

同樣比較 CMHK,CMHK 過咗 6GB 之後就會限速至 128kbps,如果想繼續享有高速數據,就要加 $30 先至有 1GB。而 SUN Mobile 雖然速度唔係全速,而係 21M,但正常使用來說其實 21M 數據已經好夠用,而且 Top Up 數據只需 $15/GB,平 CMHK 一半!

內地數據 Top Up 又如何?SUN Mobile 同 CMHK 個玩法又有啲唔同,SUN Mobile 就逐 GB 同你計,你用完 1GB 內地數據唔夠用,點算?可以加 $22 多 1GB;而 CMHK 就斷 KB 同你計,每 $0.1 / KB,每日上限 $48。你又認為邊種方式好啲呢?

挑機 CMHK!SUN Mobile 出招 推 21M 中港數據 Plan,網友點揀?
▲ SUN Mobile 額外本地數據 $15 / 1GB,而額外內地數據則 $22 / 1GB。

挑機 CMHK!SUN Mobile 出招 推 21M 中港數據 Plan,網友點揀?
▲ CMHK 額外本地數據 $30 / 1GB,而額外內地數據則 $0.1 / KB (每日上限 $48)。

SUN Mobile VS CMHK,網友又會揀邊個呢?

按這裡有 SUN Mobile 「全中港通數據服務計劃」詳情
文章分享
您可能也喜歡▼