超痴線 MNP 攜號神器!Lucky SIM 最平 $4.2 / 月即上台

2020-03-21 15:43
相信大家應該有印象,早兩日版主 Keith 就介紹過一張叫 Lucky SIM 的年卡,係由一間 MVNO 台租借 csl. 網絡而推出,$180 就有 60GB 21M 數據,唔可以話十分抵,但叫有多個選擇。而最近留意到,原來呢張 Lucky SIM 都可以做到攜號轉台 (MNP),如果只係為 Keep 號碼,$50 就已經 Keep 到一年,而如果想 Join 60GB 果個 Plan,亦只需比原價畀多 $10 就搞掂!照咁睇,佢都可以算得上係 MNP 神器!想知詳情,睇下文啦!

超痴線 MNP 攜號神器!Lucky SIM 最平 $4.2 / 月即上台
 

想 MNP 轉台去 Lucky SIM,可以點做?

平時有時我哋介紹儲值卡,間唔中咪會 credit 返一間儲值卡網店 (超譯) 嘅,如果想 MNP 轉台,就要去佢哋屯門的門市辦理 MNP 手續。

呢篇唔係廣告,但點解今次版主會咁直接開名?版主問過,Lucky SIM 未有租舖在香港開店,而暫時嚟講可以做到 MNP 轉台去 Lucky SIM 嘅,並唔係好多 SIM 檔,以超譯店主所指,除咗佢哋,印象中就只有深水埗一間 SIM 檔做到,但佢都唔肯定係邊一間。既然都無乜選擇,所以今次版主會直接在文中提及超譯。

好!咁如果要 MNP 手續,有乜需要帶去?如果你係上台客戶,就要帶登記人的身份證副本,然後佢哋會問清楚你個台合約幾時完,幾時可以轉走,咁就搞掂。而如果你係儲值卡用戶,則要提供清楚嘅 ICCID,即係大卡或者 SIM 卡上果 19 位數字。
 

MNP 連 Join Plan 的價錢係幾多?

根據超譯 Facebook 上的資料,佢哋會提供 90 日、180 日以及 360 日的 Plan 選擇,當中 90 日果個 Plan,其實真係純 Keep 號碼用,$35 無任何服務。90 日即係 3 個月,計起上嚟 keep 一年要 $140,長遠來說唔划算,兼且無通話分鐘、無上網。

比較抵玩的 Keep 號碼方法,應該是 $50 的 360 日 Plan,雖然無上網服務,但有 100 通話分鐘可以同人保持聯絡,平均都不過是 $4.2 一個月,簡直是一個 Keep 號碼專用的 MNP 攜號神器!

至於如果你要上網,都仲有其他收費選擇,詳情睇下表啦!
 
日數 服務 MNP 全包價
90 日 純 Keep 號碼 $35
180 日 1GB 21M 數據 + 500 通話分鐘 $45
180 日 5GB 21M 數據 + 1000 通話分鐘 $70
180 日 10GB 21M 數據 + 1000 通話分鐘 $90
360 日 100 通話分鐘 $50
360 日 5GB 21M 數據 + 2000 通話分鐘 $80
360 日 10GB 21M 數據 + 2000 通話分鐘 $100
360 日 60GB 21M 數據 + 2000 通話分鐘 $190


相比起 MNP 去萬能卡,Lucky SIM 有何優勢?

唔知大家仲記唔記得,版主我之前講過自己的烏龍事?用緊 MO SIM,諗住 MNP 轉去萬能卡,點知去到荃灣間直銷中心,先醒起因為 MO SIM 用緊 3HK 網絡,所以唔可以 MNP 轉去萬能卡,要先轉一轉去其他台過一過冷河先。

然而 Lucky SIM 因為佢係一間真 MVNO 的公司,並唔係好似萬能卡果種代理公司,所以就算你本身係用緊 csl. 網絡都好,一樣可以 MNP 轉台去 Lucky SIM,而因為呢個點,版主認為我都可以考慮一下 (版主而家轉咗去 csl. Club SIM 本身諗住過冷河超痴線 MNP 攜號神器!Lucky SIM 最平 $4.2 / 月即上台)。

另外,當你要申請 Lucky SIM 60GB Plan,MNP 連 Join Plan 都不過是 $190,相反萬能卡你 MNP 轉台,並唔會有呢個「優惠價」,計起上嚟好似 Lucky SIM 仲有優勢啲。唔知網友又點睇呢?
 

平盡全港 手機上網方案

CMHK Kabayan 卡巴仁新玩法!$36 高速 4G 無限上網 (2020 年版本)
CMHK「鴨聊佳」年卡出新版!50GB 高用量挑機 3HK 萬能卡
無合約手機台比拼 自由鳥挑機兩大對手!贏了!
挑機 CMHK Kabayan / Rekanan?3HK 萬能卡「黑卡」提速 + 加量
您可能也喜歡▼