csl. Club Like 網店推 8% 回贈 + 改條款!到底係抵咗定貴咗?

2020-09-04 15:43
唔知大家平時多唔多留意 csl. Club Like 網店?版主自己就會不時留意住,唔係因為工作關係,而係有時 Club Like 間唔中係有啲抵玩貨品,而且對於之前有 Club 積分嘅我,買嘢除咗可以賺積分,仲可以用現有積分當錢使,心理上感覺會平咗。而版主留意到,今個月起 Club Like 網店推 8% 回贈優惠,不過就偷偷改咗一些條款,到底成件事係抵咗定貴咗?睇下文啦!

csl. Club Like 網店推 8% 回贈 + 改條款!到底係抵咗定貴咗?

今個月起,csl. Club Like 網店推出了「賞回贈 想購物」活動,購買指定電子產品可賺取高達 8% 回贈。個 8% 點嚟呢?就係「基本回贈」+「額外回贈」,chok 到個最高 8% 回贈出來。而到底「基本回贈」同「額外回贈」又乜東東?

基本回贈:消費每 $10 賺 1 Club 積分。
額外回贈:購買指定電子產品可獲額外 Club 積分。


csl. Club Like 網店推 8% 回贈 + 改條款!到底係抵咗定貴咗?

留意一下,基本回贈果度,其實原本係每 $20 先賺到 1 Club 積分,即買 $10000 先有 500 Club 積分,而家就比之前快一倍,變成消費每 $10 賺 1 Club 積分,即買 $10000 已經有 1000 Club 積分,賺積分快好咗好多。

而 Club 積分可以做乜?最實用就係可以變錢。你問:嘩!咁成件事咪即係着數咗?未必。留意魔鬼細節:

原本:5 Club 積分可以當 $1 使。
新:10 Club 積分可以當 $1 使。


csl. Club Like 網店推 8% 回贈 + 改條款!到底係抵咗定貴咗?

即係話,新條款之下,賺積分快一倍,但 Club 積分變錢就少一倍,計返即係打和啦 Super~csl. Club Like 網店推 8% 回贈 + 改條款!到底係抵咗定貴咗?

不過,你都可以咁理解:可能因為九月呢個活動,所以 Club 積分變錢呢度貴咗,但賺 Club 積分速度快咗。如果活動完結,會唔會有可能變返 5 Club 積分 = $1 呢?即你而家可以趁住呢個時間儲多啲積分,留返之後「正常」返先慢慢再用,或者都係一個可行方法。

P.S. 之後會唔會變返「5 Club 積分 = $1」,無人知,只係版主自己靠估。你又點睇呢個新活動同條款呢?

按這裡了解更多「賞回贈 想購物」活動詳情
您可能也喜歡▼