csl. 發出新聞稿，宣佈由即日起至 7 月 31 日，去 csl. 專門店或 1010 Center，就可以低至 25 折優惠價選購指定精選產品。而睇佢新聞稿入面嘅宣傳圖片，就寫住「$5000 消費券交畀我，唔使煩」。咁係咪教緊你，$5000 消費券可以點用？
答案係 NO，佢實際話你知，$5000 可以買到啲乜，例如 10.9 吋 iPad Air (WiFi + Cellular) 64GB，$5000；OTO GRACE 按摩椅，$5000；iPhone 12 mini 64GB，$5000。仲有好多產品做優惠，低至 25 折。咁係唔係嚟完 csl. 門市買完，就唔使煩政府嗰 $5000 消費券點用？唔係啦，當你 7 月 31 日前幫襯咗 csl. 買完 $5000 嘢，去到 8 月 1 日開始收到消費券，咪一樣要煩，嗰 $5000 又唔係可以套現。
不過，都唔係完全話無優惠嘅，因為佢就話買滿 $5000，就會送 csl. / 1010 5G 300GB 本地流動數據卡一張，可以免費體驗 90 日 (即三個月)，除咗體驗佢哋 5G 服務，連 NOW E 精選服務、4K 西甲足球賽事重溫以及 MOOV 24bit 音樂服務等，都可以體驗得到。如果你咁啱有嘢想買，都可以特別留意吓嘅。
最後，新聞稿附件都有個 List，Show 哂有乜優惠產品，太長，等我直接 cap 畀大家自己放大睇啦～
請按此：香港 $5000 消費劵申請／優惠攻略文章集結