3 香港示範 戶外 5G 速度!一圖睇晒 實際場景有幾快

2018-11-28 15:52
呢個題目,係兩個獨立事件來!係喎,今日 3 香港係銅鑼灣全港首度向媒體示範測試中嘅 5G 網絡,上網速度有幾快!仲實地示範用 360 相機做現場 Live 直播。唔駛講,你都知,係好快。不過,網友加陣都好精,講就天下無敵,做就無能為力,最高速度唔代表乜,實際又點。十分有趣,3 香港同日交給媒體嘅 present 圖片裡面,有一張比較了 5G 嘅 3.5GHz、28GHz 與 4G LTE 嘅 1800MHz 在發射站不同距離下,大約上網速網幾快,睇了之後,ePrice 網友再可以想像一下,以大家嘅日常用途,5G 係咪咁值得大家期待。

3 香港示範 戶外 5G 速度!一圖睇晒 實際場景有幾快
 


首次 5G 戶外測試

今日 3 香港在銅鑼灣示範 5G 真實網絡下嘅上網速度及視像直播嘅效果。今次佢地會用未來會入到屋,射程較遠嘅 3.5GHz 測試網絡,頻寬開到 100MHz。唔駛點講,大家都知一定成功,而即場示範,上網速最快去到 2GBps,真係幾秒鐘,用得爆你嘅 10GB 數據 Plan。

3 香港示範 戶外 5G 速度!一圖睇晒 實際場景有幾快

3 香港示範 戶外 5G 速度!一圖睇晒 實際場景有幾快
▲  3 香港跟香港政府申請了測試 5G 網絡嘅臨時牌照,己在香港三個不同地點,測試 5G網絡,其中,今日跟大家示範採用 3.5GHz 頻段嘅 100MHz 頻寬作戶外測試,包括速度測試及現場視像直播。

3 香港示範 戶外 5G 速度!一圖睇晒 實際場景有幾快
▲ 除了連接 5G 網絡,背後亦連上 10GE 高速骨幹網絡。

3 香港示範 戶外 5G 速度!一圖睇晒 實際場景有幾快
▲ 現場顯示,3.5GHz 可以做到 2Gbps 上網速度。

3 香港示範 戶外 5G 速度!一圖睇晒 實際場景有幾快
▲  銅鑼灣蘋果專門店附近的舊樓,3 香港架建了自家嘅 5G NR 3.8GHz 基站作測試之用。

3 香港示範 戶外 5G 速度!一圖睇晒 實際場景有幾快
▲  中間的就是 5G 基站了。


▲  3 香港嘅 5G 戶外測試完全版。
 


誠實豆沙飽?一張圖反映現實

版主反而對佢地一張圖有興趣,就係比較三個不同頻譜,在不同距離下,最高上網速度。佢地用了 5G NR 28GHz, 5G NR 3.8GHz 及 4G LTE 1800MHz 去做比較。無錯,在最近發射站環境下,5G NR 28GHz 可以去到比家用 Broadband 更快速度,去到 4Gbps;5G NR 3.8GHz 頻段都唔弱,有 2GBps 速度,4G LTE 1800MHz 頻段就只有 100MHz 左右。

3 香港示範 戶外 5G 速度!一圖睇晒 實際場景有幾快
▲ 3 香港展示了 5G NR 28GHz、5G NR 3.8GHz 及 4G LTE 1800 頻段,在不同距離下,網絡最高速度。

但記著 5G NR 極速只係離發射最近距離,但當發射距離與接收終端越遠,其實上網速度差距越來越細,去到 200 米距離,5G 與 4G 速度差距已唔算好大。大家仲要留意,4G LTE 各台已引入不同頻段的 CA (Carrier Aggrecation ) ,你部手機許何,係同時收幾個頻,速度在 200 米距離,已不會差過 3.8GHz 嘅 5G NR 網絡好多。而 28GHz 更麻煩,去到 250 米左右,連收都收唔到。

由此可見,大家對 5G 實際上應用嘅上網速度,未必跟現時 4G 差好多,除非網絡商可以把基站,起得好多,而 28GHz 網絡一街都係,先有望把速度升好勁!

3 香港示範 戶外 5G 速度!一圖睇晒 實際場景有幾快
▲  根據 3 香港表示當香港推出 5G 網絡時,4G 網絡會同時存在,跟 5G NR 3.8GHz 頻段作相同覆蓋,而 28GHz 只會在重點覆蓋。

3 香港示範 戶外 5G 速度!一圖睇晒 實際場景有幾快
▲ 在中長距離,4G 上網速度,不會慢過 5G 好多,咁 5G 網絡有乜用。成日都講 5G 不單只有  eMMB (enhanced Mobile Broadband 增強版流動寬頻) 功能,更有 mMTC (Maasive Machine Type Communication)亦即係物聯網,用 5G 把不同器材收集的數據雲端化,仲有 URLLC (Ultra Relaible Low Latency Communication) 近乎零遲延的誦訊流,用來作無人駕駛,實時遠端手術等)都係未來 5G 網絡重要功能,當大家想像 5G 時,唔好再係得速度呢件事了。 
多謝支持 ePrice.HK