「鴨聊佳」有難!3HK 中港澳 萬年卡升級,抵玩好多?

2019-04-27 14:37
文章分享
前排版主先講過,3HK 果張社交媒體萬年卡,亦即係藍色果張,市場上叫「藍卡」,由原本 20GB 本地 + 20GB 社交數據,升級至 30GB 本地 + 20GB 社交數據,加埋有成 50GB 之多,本身入咗好多貨擔心無得升?無問題!經了解佢係以開卡日計,你一日未開卡一樣有得多 10GB。最近再有另一張萬能卡升級,今次係主打中港澳數據的「黃卡」,又升咗幾多呢?睇下文啦!

「鴨聊佳」有難!3HK 中港澳 萬年卡升級,抵玩好多?
 


3HK 黃卡升級!中港澳數據用量大提升

3HK 中港澳萬能卡,即係「黃卡」,相信大家都唔會覺得陌生,原本開 Plan 係包 20GB 本地數據 + 2GB 中國、澳門數據,不過可能早前「鴨聊佳」突然出平價年卡令 3HK 有壓力,做咗咁多年年卡界霸主,點可以咁容易向「鴨聊佳」認輸?

二話不說將黃卡都升級,本地數據升到 25GB,就連中國、澳門數據都升到 3GB,最近經過大埔某間有賣 SIM 卡嘅舖頭,都只係賣緊 $138,而網店買再平少少,$135 有交易。

然而,有網店可以做到將本地數據變成 30GB,不過就做緊 $160 包順豐門市取,詳情可按這裡

「鴨聊佳」有難!3HK 中港澳 萬年卡升級,抵玩好多?
 


3HK 中港澳萬能卡 (黃卡) 資料詳情

面值: $198
網店價: $135 
數據用量: 25GB 本地數據 + 3GB 中國、澳門數據,共 28GB
網絡速度: 42Mbps
 

贏盡「鴨聊佳」?3HK 黃卡今舖幾抵玩

講到包埋漫遊數據嘅年卡,「鴨聊佳」早前新出果張中港年卡,我會覺得係 3HK 黃卡的直接對手。一齊比較下:
 
  3HK 黃卡 「鴨聊佳」中港年卡
面值 $198 $208
網店價 $135 約 $140
數據用量 25GB 本地 + 3GB 中國、澳門數據 20GB 本地 + 3GB 中國數據
本地通話分鐘 2000 分鐘 2000 分鐘

經過上表比較,發現升級後的 3HK 黃卡,比起「鴨聊佳」張中港年卡,更有吸引力。而兩者之間,一張係用 3HK 網絡,另一張係用 CMHK 網絡,唔知你又會點抉擇呢?
 
文章分享