回到 20 年前!網絡商推古怪 Plan,指定區域專享平價高速真無限上網

2019-06-29 17:20
文章分享
聽版主 Keith 講故仔,原來大約 20 年前,網絡商 One2Free 曾經推出過新界友專享嘅古怪 Plan,$198 月費指定區域有 100 通話分鐘,好似話登記果陣你可以決定元朗 Plan、屯門 Plan、粉嶺 Plan,離開咗果個 Zone 就逐分鐘收費。果陣未有上網,得 voice,正價起碼要四五百蚊,先至有 100 通話分鐘,好貴。90 後的我表示,果陣我得七八歲,連手機都未有,而家聽到先知,原來果陣咁貴。今日,3HK 推出咗個類似嘅 Plan,不過唔係 voice plan,而係指定區域可以任用數據,你又有無份呢?睇下文啦!

回到 20 年前!網絡商推古怪 Plan,指定區域專享平價高速真無限上網

3HK 推出咗一個古怪 Plan,月費 $138,包 3GB 21M 數據 (攜號轉台 + 2GB,即 Total 5GB),但如果喺指定區域內,就可以無限任用 21M 數據,再包 2000 網外 + 1000 網內分鐘,但就無 Wi-Fi,用唔到 3HK 的 Wi-Fi 服務。

指定區域包括:清水灣、西貢、將軍澳、大網仔、坑口、調景嶺、馬游塘

特別一提的是,呢個 Plan 全港淨係得 3 間分店有賣,包括寶琳新都城中心、坑口東港城以及將軍澳中心門市。

事實上,呢個 Plan 係由 $108 / 5GB Plan 演變出來,不過 $108 Plan,話 5GB 就真係 5GB,用完就限速,而如果你係住將軍澳西貢果頭,每月畀多 $30,就可以喺你所在的區域任用 21M 數據。將軍澳 / 西貢友,你會唔會考慮呢個 Plan 呢?

不過,如果你唔係將軍澳 / 西貢友,想 Join 21M 無限數據 Plan 有乜選擇?其實 3HK 旗下的 MO+ Plan,同樣係 $138 月費,但一樣有 21M 任用上網。3HK 而家推出呢個咁嘅古怪 Plan,會唔會畀自己親身仔打返轉頭?你又點睇呢?
 
文章分享
您可能也喜歡▼