挑機 CMHK Kabayan / Rekanan?3HK 萬能卡「黑卡」提速 + 加量

2019-12-12 18:00
唔知大家仲記唔記得,十月果陣版主分享過,3HK 萬能卡出招,$68 一個月除咗有 15GB 14.4Mbps 無限上網,喺「歡樂通宵」時段 (即 23:00 - 07:00) 呢個時間,仲可以享有任用 7.2Mbps 上網。其後到咗十一月初,3HK 就為呢個月 Plan,推出咗一張「黑卡 / 黑萬」,大致內容就同十月所講的一樣,所以當時版主都無再特別提起佢。不過,最近唔知係咪為咗想同對手 CMHK Kabayan 鬥過,3HK 會將呢張黑卡加速又加量!想知詳情,睇下文啦!

挑機 CMHK Kabayan / Rekanan?3HK 萬能卡「黑卡」提速 + 加量

同樣係十一月初嘅時候,CMHK Kabayan / Rekanan 就突然玩嘢,將其月費計劃加速又加量,由原來的 15GB 3.6Mbps 數據 + 2Mbps 無限數據,變成 20GB 21Mbps 數據 + 2Mbps 無限數據,而且買一個月送一個月,最平做到 $25 一個月就玩到。當時就話呢個「買一送一」優惠,係做到 2019 年 11 月 30 日,但版主發現,其實呢個優惠而家仲存在,即係如之前版主估計嘅一樣,並無因為過咗期限而特別加返價 (當然,之後會唔會突然加返價,版主就無法保證,但只能說呢個可能性比較細)
 

網店放風:萬能卡「黑卡」將會提速 + 加量

眼見 CMHK 張 Kabayan 咁抵玩,3HK 萬能卡嘅月費 Plan,如果再唔出招,分分鐘會被 Kabayan 遠遠拋離。而呢個時候,有 SIM 卡網店突然放出消息,表示「黑卡」將會提速又加量,會由原來 15GB 14.4Mbps 數據 + 384kbps 無限,改為 24GB 42Mbps 數據 + 384kbps 無限,當然會保留了「歡樂通宵」的任用 7.2Mbps 上網。

新版 3HK 萬能卡「黑卡」月費詳情
網店價:$60 (包順豐門市自取)
鴨記價:約 $50
面值:$110
開 Plan 價:$99
數據用量:24GB 42Mbps 數據 + 無限限速數據 (23:00 - 07:00「歡樂通宵」時段,無限任用 7.2Mbps 數據)
通話分鐘:首次開plan送$1000分鐘
可否攜號轉台:可以


挑機 CMHK Kabayan / Rekanan?3HK 萬能卡「黑卡」提速 + 加量

只可惜是,據指呢個新改動目前尚未生效,實際生效日期有待確定,據了解,目前係等 3HK 系統 Update,唔會需要等好耐。而在 3HK 官網「國際萬能卡」的頁面,亦已出現了 $99 30 日 FUP 24GB + 「歡樂通宵」無限數據的組合。網友又點睇呢?

挑機 CMHK Kabayan / Rekanan?3HK 萬能卡「黑卡」提速 + 加量
 

平盡全港 手機上網方案

CMHK Kabayan 卡巴仁新玩法!$36 高速 4G 無限上網 (2020 年版本)
CMHK「鴨聊佳」年卡出新版!50GB 高用量挑機 3HK 萬能卡
無合約手機台比拼 自由鳥挑機兩大對手!贏了!
挑機 CMHK Kabayan / Rekanan?3HK 萬能卡「黑卡」提速 + 加量
您可能也喜歡▼