免費睇醫生 + 送你一枝針!3HK 推 BowtieGo「視像會診」服務

2020-09-24 19:57
估唔到,而家網絡商唔係淨係提供上網服務咁簡單,連我哋嘅健康都可以照顧到!講緊嘅係 3HK,早前推出 3Care 保障平台,並夥拍香港首家虛擬保險公司保泰人壽 (Bowtie),推出 3Care BowtieGo 會員門診服務計劃。而最近佢哋又再合作,推出 3Care BowtieGo「視像會診」服務,足不出戶都可以睇醫生,而成功申請除咗送你一次免費睇醫生,仲會送你一枝針!重點係,就算你唔係 3 台客,都申請得。到底講緊啲乜?下文再詳講!

免費睇醫生 + 送你一枝針!3HK 推 BowtieGo「視像會診」服務

3HK 夥拍保泰人壽 Bowtie,推出 3Care BowtieGo「視像會診」服務,唔使一定要 3HK 客戶,全港無論你係邊間網絡商嘅用戶,都可以購買 $588 嘅個人版 Annual Pass,參加「視像會診」服務計劃,然後就可以喺星期一至六指定時間,透過計劃嘅 WhatsApp 帳戶預約視像會診服務,完成預約之後會收到相關資料以及視像會診連結,點擊該連結就可以登入視像會診。而會診後就可以得到收據同埋醫生證明書等文件,所需嘅兩日基本藥物,最快兩個鍾後專人送到手。

免費睇醫生 + 送你一枝針!3HK 推 BowtieGo「視像會診」服務

首次使用 3Care BowtieGo「視像會診」服務,可以免診金、藥物以及送遞費用 (原價 $480),而第二、第三次使用亦只需 $150,到第四次開始就每次收返原價 $380,相較傳統門診服務更方便。

另外,如果你本身係 3HK 客戶,亦可選用月費 $39 個人版增值服務,享有同上述相同嘅服務。

還有一件值得一提嘅係,3Care 亦都特別預備本年度嘅四價季節性流感疫苗,只要你係 3Care BowtieGo「視像會診」服務嘅個人版 Annual Pass 以及個人版增值服務,都可以免費接種,只需事先打電話預約,到指定醫療中心就可以打針。

對於呢個服務,唔知大家又覺得係咪幾好呢?留言討論下啦!
 
您可能也喜歡▼