最平 $200 享 5G + 全速 4.5G 無限數據！網絡商呢個 Plan 抵玩？

5G 月費計劃都已經推出咗大半年，唔知有幾多人已經升級咗做 5G Plan 呢？而仲未升級嘅網友，又有啲咩原因令你唔升級？相信原因只有一個：係貴呀！的確，大部分網絡商 5G 月費計劃都唔便宜，如果有方法可以令到月費平啲，你又會唔會考慮呢？有網絡商推出新 Plan，最平做到 $200 就有 5G 用，兼且有無限 4.5G 全速數據，計起上嚟只係比現時無限 4.5G 數據，畀多少少錢，係咪抵玩啲？睇下文啦！



以前玩 4.5G 數據 Plan，最抵玩嘅方法，一定係 Family Plan，而如果你個 Family 人愈多，就愈抵玩。來到 5G 年代，其實都有相同嘅玩法，而今次講嘅係 3HK，推出咗 5G 共享計劃，月費 $1328，基本有 3 張 SIM，包共 200GB 數據 + 任用 4.5G 全速數據。

從數字上嚟睇，可能你會唔覺得抵，而且仲好貴。但深入計算過之後，發覺連埋行政費，最平做到每人 $200，已經享用到呢個 Plan，咁又好似係幾抵。條數係咁計的: $1328 月費，如果你有 5 個人一齊 Join，可以加 $120 x 2 = $240 加多兩張 SIM，並且可以有額外 40GB 數據共用；

而因為 Join 呢個 Plan 會額外送 $21000 豐澤禮券，無錯，係豐澤禮券，唔係好似以前果啲手機現金券，變相你可以買嘅選擇更多，扣除呢 $21000 優惠 (豐澤禮券都係可以變錢)，平均每人只需 $200，就可以共享 240GB 5G 數據 + 無限 4.5G 全速數據。


 

SIM數量	月費	行政費	合約期	5G 數據用量	4.5G 數據用量	豐澤禮券	扣除優惠平均月費	扣除優惠平均每人月費
3	$1328	$18	36	200GB	無限	$21000	~$762.7	~$254.2
4	$1448	$18	36	220GB	無限	$21000	~$882.7	~$220.7
5	$1568	$18	36	240GB	無限	$21000	~$1002.7	~$200.5

若果你有 5 個人一齊夾，其實計起上嚟都算抵玩，而家就算 CMHK 4.5G 無限全速數據，都係講緊 $188，而家只係畀多 $12，就可以有無限 4.5G 數據之餘，仲有共 240GB 5G 數據 5 個人 share，唔知網友又會唔會考慮呢？

按這裡了解更多詳情