行山出海唔驚手機變漫遊!3HK「智能漫遊防火牆」自動豁免相關費用

2021-03-30 20:24
唔知大家有無試過,有時出海或者行山,去到一啲接近內地邊境地區,手機會自動飛咗去漫遊網絡呢?呢個時候如果你唔唯意,又仲繼續上網,你就 GG 了。好大機會你下個月見到手機賬單,就會大喊救命「Why Me???」,月費貴到阿媽唔認得。而為咗今後避免再有呢啲惡夢發生,3HK 新增「智能漫遊防火牆」功能,等大家可以用得更加安心。

行山出海唔驚手機變漫遊!3HK「智能漫遊防火牆」自動豁免相關費用-0

好多時出海或者行山,去到例如蒲台島、東平洲呢啲地方,有時去到某啲位會無啦啦變咗漫遊,連接咗內地網絡,有機會會被收取漫遊數據費用。而 3HK 注意到呢個問題,宣佈新增「智能漫遊防火牆」功能,如客戶身處鄰近邊境地區,就算手機自動變咗去漫遊網絡,「智能漫遊防火牆」都會識別並自動豁免有關漫遊數據費用,方便客戶在出海或遠足時,繼續無憂上網搜尋路線資訊,在社交平台分享相片。呢個功能,唔知網友又支唔支持呢?

行山出海唔驚手機變漫遊!3HK「智能漫遊防火牆」自動豁免相關費用-1

 
您可能也喜歡▼