衛訊 W.E. 上台買 5G 手機 即減超過 $2000 抵?

2021-04-16 18:05
自從衛訊學豐澤都搞埋手機上網之後,佢哋不時都搞一些優惠,例如早前上台買任何 5G 手機即減 $1200、上台出小米 11 即減 $2000 等等。而最近就留意到,佢哋又有新搞作,上台買任何 5G 手機,都可以減最多超過 $2000,呢個價錢係咪抵玩呢?睇下文啦!

衛訊 W.E. 上台買 5G 手機 即減超過 $2000 抵?-0

今次衛訊搞呢個優惠,就唔係直接喺機價度減,而係如果買任何 5G 手機同時上台 W.E. 5G 月費計劃嘅話,就可以免 6 個月月費,即係最多可以免 $2076 月費 (如果 Join $346 Plan 的話)。而如果不限買咩手機,似乎今次呢個優惠比起之前嘅都仲要抵玩。你又點睇呢?

至於如果你唔記得衛訊有乜 5G Plan?唔緊要,版主呢度會再講,一共有 $248、$288、$346 三個 Plan 選擇,當中 $248 同 $288 分別有 20GB 以及 30GB 5G 全速數據,但用完就無。而如果你 Join $346 Plan 的話,用完 30GB 5G 全速數據,則仍然可以繼續以 4.5G 全速數據任用。而合約期內,仲可以免 $18 行政費𠻹!

衛訊 W.E. 上台買 5G 手機 即減超過 $2000 抵?-1


衛訊 W.E. 上台買 5G 手機 即減超過 $2000 抵?-2