Opensignal 公佈全球 5G 網絡體驗大獎,3 香港全港覆蓋最強?

Keith Yim 2021-09-23 18:44 | 3 香港
3HK-fb.jpg
唔知大家有無留意,市場上有手機網絡商,成日大賣廣告話自己嘅 5G 網絡嘅下載速度,全港最快。其實係咪得一間機構做評審?5G 網絡質素,係咪只有下載速度 (download speed) 呢個考量點?日前,另一間手機網絡質素數據研究公司 Opensignal,出咗份「全球 5G 網絡體驗大獎 2021」 嘅報告,分析全球嘅 5G 網絡表現。原來,香港四間網絡商喺 5G 覆蓋部份,都打到入全球 Top 20,當中 3 香港更打入前四。

香港嘅 5G 覆蓋成績很好 

網絡質素數據研究公司 Opensignal 最近發表咗「全球 5G 網絡體驗大獎 2021」 (5G Global Mobile Experience Awards 2021),除了獎項之外,亦為全球嘅 5G 網絡進行評分。當中九個有關 5G 網絡質素嘅項目,除了 5G 下載速度一項,香港四大網絡商都能 夠上榜 。其中一項 5G Availability,有兩間網絡商都打入全球十大,3 香港更成為全球 Big 4,到底 5G Availability 係乜嘢一回事?


「5G 連接率」5G Availability

大家有留意網絡商廣告,有一間成日會用 speedtest.net 手機上網速度比拼,說明呢個台 嘅 5G 下載速度,接近一年都係領先香港其他網絡商。但一個質素好嘅網絡商,係咪只係睇上網連線速度?Opensignal 嘅分析方法好唔同,會將一啲技術上嘅數據,實際用家體驗指數等去比拼,多角度分析似乎更加全面。5G Availability,姑且我用「5G 連接率」作為中文解釋:不是單講覆蓋咗香港幾多個巴仙嘅地方,而係用大數據,去比拼一個真正嘅香港用家,有幾多時間可以連接到 5G 網絡。時間越多,分數越高,排名越前。下面張圖,就係全球 20 間 5G Availability 做得最好嘅網絡商。

5g-available.jpg
▲ 由上圖 (按圖放大) 我哋見到,3 香港喺 5G Availability 項目排第四,用家在測試期間大約有 28.1% 機會連到入 5G 網絡。同時間,csl、數碼通、CMHK 都能打入全球 20 大,而 3香港稍 佔優勢 。5G Availability「5G 連接率」即係實際用家真正用到 5G 嘅時間,根據 Opensignal 報告,3 香港比起其他網絡商都要好,相信是因為 3 香港好早便重整 4G 頻譜,將 Band 1 (2100) 頻段重耕為 5G 有關,使之迅速全面啟動地鐵 5G 覆蓋,另外佢哋大規模增設 5G 黃金頻段 N78 嘅發射站,都應該有關係。

其他七項成績又如何

Opensignal 嘅「全球 5G 網絡體驗大獎 2021」,仲有八大項目,大家可以留意。先睇睇下圖嘅成績表。留意,表格裡面嘅數字,係呢間網絡商嘅全球排名。但若果上不到 Top 30,會顯示不到出嚟,好似 download speed 就係其中一個例子。

opensignal table.jpeg

喺解讀其他項目成績前,先講講呢啲項目,代表咗乜嘢。 

5G Availablity:上面已經解讀咗,不重覆。

5G Download Speed / 5G Upload Speed:就係我哋一般都會留意嘅 5G 下載或上傳速度比較。

5G Video Experience:綜合了連接至 YouTube 及 Akamai 伺服器(大部分串流平台使用嘅公司)的效能,包括在不同解像度下,影片播放時嘅斷線率及啟動影片時間。

5G Gaming Experience:計算手機打連線遊戲,上網時延、丟包及抖動定出 0-100 嘅分數,以代表 online game 時嘅體驗。

5G Global Impact:今次評分有四個叫 (5G Global Impact (improvement over 4G) 嘅項目,其實就是測試 5G 服務效果嘅數據,與本身網絡商嘅 4G 服務比較,分數越高,排名越前,亦代表由 4G 跳去 5G 嘅服務升級顯著度。

分析

001:以數量上睇,3 香港有四個項目都領先其他網絡商,CMHK 有三個,數碼通有一個。

002: Video Experience 名次方面,3 香港同 CMHK 排名一樣,但 3香港得分稍高。香港四間網絡商嘅 5G 下載速度,都不能進入全球 20 大,而上載部份,也只有 CMHK 入到全球 20 大,代表香港嘅 5G 服務,在速度上有很大嘅改善空間,這部份可能要靠今年後,政府拍賣更多 5G 頻譜,等網絡商有資源擴充網絡容量,先至有更大進步。

003:3 香港跟 CMHK 都喺 5G Global Impact 嘅四個項目中,打入全球 20 大,比起 csl、數碼通都要多。5G Global Impact 包括下載及上傳速度、Video Experience 及 Gaming Experience,5G 服務對比本來嘅 4G 升級有幾多分數。而排名上 3 香港與 CMHK 都算叮噹馬頭,各有勝負。

小結:3香港 5G 體驗以覆蓋取勝

總結一下,今次 Opensignal 嘅「全球 5G 網絡體驗大獎 2021」,雖然在其分析中,沒有列明香港邊一個網絡商能提供最好嘅 5G 服務,但係我哋分析數據,結果顯示四大網絡商在不同網絡應用都有其長處,但 3 香港跑贏其他對手。而其 5G Availability 「 5G 連接率 」攞到全球第四,代表 3 香港用家真正能用到 5G 嘅比例,比起其他網絡商嘅用戶高。

按呢到,下載 Opensignal 相關報告

最新新聞