回上一頁   到底部 

最高網速一定要搭 5CC?Samsung Galaxy S9 x CMHK 3CC 網速即測

2018-03-12 18:03
Samsung Galaxy S9 / S9+  係香港已經發佈咗,ePrice 已有唔少實測及賣價報導,坊間都有唔少體驗日等大家試過夠!但有一樣嘢,你係體驗日試不到:網速。跟據資料,Samsung Galaxy S9 / S9+ 支援 LTE Cat 18,做到運用五段 4G LTE 頻段結合 (5CC 載波聚合),令上網速度更快。不過,係咪一定去到 5CC 先係極速?奇怪地,唔係!我哋試過中國移動香港 CMHK 網絡,原來運用 3 段 4G LTE 頻段結合 (3CC 載波聚合),都可以做到 800Mbps+ 最高速度。實際情況係點?來一個實際路邊測試吧。

最高網速一定要搭 5CC?Samsung Galaxy S9  x CMHK 3CC 網速即測

TD + FD LTE 3CC 最高速度至 800Mbps+
Samsung Galaxy S9 / S9+ 採用 Qualcomm S845 處理器,呢粒處理器最高支援 5CC 載波聚合,即係手機可以同一時間接收五條 4G LTE 頻段,令上網可以達至極速。

但要上網快,還要兩個技術配合包括 4x4 MIMO 及 256QAM。4x4 MIMO 係令手機變成更多天線接收訊號,令上網速度培增,而 256QAM 是訊號解碼技術,當網絡引入此技術,網速理論上又會快多 30%。

而中國移動香港 CMHK,就係利用了 4x4 MIMO + 256QAM 再配合 3CC 載波聚合,加上 Galaxy S9 / S9+  提升上網速度。而邊三個頻段呢,就係 Band 7 (2600) 20MHz + Band 40 (2300) 10MHz + Band 40 (2300) 20MHz,共 50MHz 谷盡網速。

最高網速一定要搭 5CC?Samsung Galaxy S9  x CMHK 3CC 網速即測

▲ CMHK 亦借機力推 Galaxy S9 / S9+ 上台。

當然,佢哋話嘅 800Mbps+ 速度係最理想環境下先會出現,咁係實際有好多人用的香港道路,地鐵大堂又係乜環境,實際速度又幾多呢?版主就係三月九日下午,係四個地點進行測試。這個四點有兩個戶外。尖沙咀與銅鑼灣都是人流好多地方,據知,CMHK 都係測試地點開啟了 3CC + 4x4MIMO 與 256QAM。而另外兩個地點則在港鐵站大堂。原來部份港鐵站大堂已開通 Band7 與 Band40,而唔係我哋認知只有 Band 3 咁窄頻寬。四個測試地點結果如下:

最高網速一定要搭 5CC?Samsung Galaxy S9  x CMHK 3CC 網速即測
▲ 首先,係銅鑼灣世貿商場門外,時間係下午 3:30 左右,下載速度由 203 - 347Mbps。

最高網速一定要搭 5CC?Samsung Galaxy S9  x CMHK 3CC 網速即測
▲ 接下來就轉至灣仔港鐵站大堂內,已是下午 3:35,現場人流較多,也測到由 305 - 410Mbps 的速度。

最高網速一定要搭 5CC?Samsung Galaxy S9  x CMHK 3CC 網速即測
▲ 去到尖沙咀樂道,時間係下午 4:30 左右,下載速度由 182 - 301Mbps。
 
最高網速一定要搭 5CC?Samsung Galaxy S9  x CMHK 3CC 網速即測
▲ 最後一站是旺角港鐵站內大堂,時間係下午 4:40,下載速度由 281 - 353Mbps。
 
其實,我哋每個地點都測試了六次,我哋只講出最快與最慢的一次。可見 CMHK 網絡,透過 Samsung Galaxy S9 / S9+ 手機上網速度係可以好快! 大家一定會話,我自己上網都無咁快啦!當然,大家用乜手機,當時網絡情況,都會影響某一刻體驗,但網絡商升級已預備好晒,大家揀手機可以考慮一下。另一方面,上網快咗,其實令大家更快完成對網絡的使用,有助令網絡容納更多人,所以換部支援網絡速度足嘅手機,都係利人利己的方法來。

與此同時,CMHK 透過 3CC + 4x4MIMO 與 256QAM,聲稱最高 800Mbps+ 的上網速度,咁其他網絡商話會用 5CC 技術,咪可以有高嘅上網速度論述。原來,5CC 都有限制,係 Samsung Galaxy S9 / S9+ 就係你真係開足 5CC,就不能啟動 4x4 MIMO,所以唔一定夾更多頻段就 OK!大家要留意了。 
 
省錢便利 買好手機
文章分享及讚好
會員回應
 回上一頁   回頂部