Mark 低日子!行 1 萬步 + 影張相,送 iPhone XS、三星 / 華為旗艦

2018-12-01 12:48
早排版主就經港珠澳大橋去到珠海,出席中國移動香港 CMHK 的發佈會 (原來香港去珠海全程都係半個鐘左右咋~)。當然,發佈會主打係宣佈他們會同仁孚合作,然而期間 CMHK 高層亦不斷為我們介紹,12 月中舉行的一個活動,只要行下路、做下運動,CMHK 就會送出 100 部智能手機。有無咁著數?睇下文啦!


Mark 低日子!行 1 萬步 + 影張相,送 iPhone XS、三星 / 華為旗艦

中國移動香港 CMHK 將會在 12 月 16 日舉辦一個「萬步有禮」的活動,希望集合全香港人的力量,每人行至少 10000 步,創出「億步行」的壯舉。

方法好簡單,參加者只要登入 MyLink App,無論你係行山又好,行街都好,甚至去任何地方,總之以 MyLink App 計步器錄得 10000 步之後,就會先即時獎你中銀集團保險「保險計劃優惠包」優惠碼,如果你本身係 CMHK 客戶,仲可獲得 $20 電子繳費券或者增值券添。同時,只要上載一張「香港靚相」去到 WeWalk 「萬步有禮」活動入面,仲有機會獲得智能手機一部!

參賽相片會由專業評審團選出 150 個進入公眾投票階段,最高票數的 100 名就有機會獲贈智能手機一部 (包括有 iPhone XS、三星 Galaxy S9+、華為 Mate 20 Pro 等等),而其餘 50 名入圍者亦都有機會獲贈行山節精美背包一個。另外,100 名得獎作品會被製作成手機 Wallpaper,免費供公眾下載。

Mark 低日子!行 1 萬步 + 影張相,送 iPhone XS、三星 / 華為旗艦

按這裡了解更多詳情