中國移動香港 用華為手機試 5G 話音 + 測速

2019-05-17 11:24
文章分享
華為勁揪!華為勁揪!理得 Trump Trump 狂 Ban,係友好地方繼續全力支持 5G 發展。友好地方,當然包括中國香港!三星都做唔到,今日中國移動香港用佢地首部 5G 手機試通話,仲有 Speed Test 測網速。同場 CMHK 當然講及佢地係香港 5G 發展,好想知吧!

中國移動香港 用華為手機試 5G 話音 + 測速
 


全港首個 5G 話音體驗

故仔係咁嘅,今日 (17/5) 中國移動香港 CMHK 宣佈於香港完成首個透過 5G NR 網絡,進行通話及視像通話。有別於上次數碼通嘅 5G 示範,今次佢地真係用手機去試,佢地揀咗華為 Mate 20X 5G 版本,版主都係第一次見到 Workable 嘅 5G 手機咋。

CMHK 今次做了三個示範,包括用華為 Mate 20x 5G 透過 5G 網絡跟中國移動北京及中國移動香港葵涌辦公室人員進行話音通話,與此同時,亦用中國移動嘅「和飛信」 App 進行視像通話。視像與話音,係 3G 年代已做得到,去到 5G 當然不是難事。

據知,今次 CMHK 取得了 OFCA 3.5GHz 頻譜嘅測試牌照,係佢哋嘅旺角西洋菜街門市安裝了室內機站,今次測試可說是首個 3.5GHz 頻譜加入 5G 手機嘅室內 Live Test。測試當然包括 Speed Test,係 100MHz 闊道下,係手機做出 800Mbps 下載速度,而時延亦低至 9ms。

中國移動香港 用華為手機試 5G 話音 + 測速
▲ 今次測試,就是透過這個室內發射站提供 3.5GHz 嘅 5G 訊號。

中國移動香港 用華為手機試 5G 話音 + 測速
▲ 使用手機為 HUAWEI Mate 20X 5G 版本。
                   
中國移動香港 用華為手機試 5G 話音 + 測速
▲ 即場進行視像對話。

中國移動香港 用華為手機試 5G 話音 + 測速 ▲ 仲有 Speed Test,上網速度有 810Mbps 左右。留意嘅係,佢地用咗 100MHz 寬度做測試,但政府規定拍賣時,每間網絡商只能買到不多於 70MHz 嘅 3.5G 頻譜,係 5G 建網初期,最高上網速度,係會有少少影響。
    
中國移動香港 用華為手機試 5G 話音 + 測速
▲ 真係 5G Logo 係手機,表示已收到 5G 訊號。
 


搶最先開 5G 台

中國移動香港董事兼行政總裁李帆風表示,佢地好有信心係年底嘅 3.5GHz 5G 頻譜拍賣,拍得到相關頻譜供提供 5G 服務,並說只要一拍到,就會立即在全港起 5G 機站,當 2020 年 4  月正式可以使用時,立即作大型測試,目標是全港第一個開通 5G 網絡嘅網站商。李帆風表示今年年底,開始有更多 5G 手機選擇,下年不用煩沒有 5G 手機使用。
多謝支持 ePrice.HK
文章分享
您可能也喜歡▼