5G 仲未有,中國移動香港宣佈完成二代 5G 獨立組網 (SA) 網絡測試

2019-11-28 20:26
文章分享
5G 食得架?點解網友咁問,因為韓國有,美國有,英國有,中國大陸有,但係香港無。香港 5G 頻譜拍賣已完成,下年第三季之後,香港用家應該享用到 5G 網絡嘅威力。真正香港 5G 網未有,但係已有網絡商完成下一代 5G :獨立組網 (SA) 網絡測試,呢間就係中國移動香港。咁一代 5G 與二代 5G 有乜唔同?一齊睇!

5G 仲未有,中國移動香港宣佈完成二代 5G 獨立組網 (SA) 網絡測試
 

全港首家流動網絡運營商完成安裝

中國移動香港即日宣佈,成為全港首家流動網絡運營商完成安裝,並成功測試 5G 獨立組網 (SA) 網絡。中國移動香港已於香港科學園 5G 聯合創新中心香港開放實驗室及葵涌美達數據中心成功安裝了支持 5G 獨立組網 (SA)及非獨立組網 (NSA) 的雙模基站,更率先接通首個通過 5G SA 網絡撥出的 5G 語音及視頻通話。
 

5G 有雙模

原來係咁嘅,因為要兼容用緊嘅 3G / 4G 網絡,大部份嘅網絡商,係5G 初期開網時,會用非獨立組網 Non Standalone (NSA) 技術建制 5G 網絡。簡單來講,5G 網其實是建基於 4G LTE 網絡嘅核心網絡,好處是加快建立 5G 網絡嘅時間,亦可以同時兼容 4G 網絡,令網絡商可以在雙網絡情況下,快速開啟 5G 服務。不過咁,NSA 非獨立組網,做唔到 5G 某些應用,所以,下一代 5G 會朝向 5G 獨立組網 Standalone SA 網絡建立。

5G 獨立組網 (SA) 與 非獨立組網 Non Standalone (NSA) 技術比較,連核心網絡部份,也是 5G 設備,是真真正正嘅 5G 網絡。而 5G 獨立組網 (SA) 會有三個特點:

001:支持網絡切片 (Network Slicing)。呢個技術,可以把 5G 網絡嘅頻寬給予指定用途,而唔會影響其他人嘅應用。舉個比較大眾化嘅例子,之後嘅 5G 網絡商,可以開啟專線給予大家做 4K Facebook Live 直播新聞。以前太多記者做 Live,會影響當地其他人上網,有了 Network Slicing,記者做多多 Live 都唔會影響同地區其他人上網。係商用層面,有更多可能性。

002:移動邊缘計算 Edge Computing,即係數據計算由 5G 核心網絡作處理,令未來 5G 應用更加實時化。

003:VoNR 語音。5G 開網初期,要用最普通嘅話音服務,都要透過 VoLTE 進行,即係要去番 4G 網絡。(跟 4G 初期,要打電話手機要跳去 3G 一樣)。支援 5G 獨立組網 (SA) 後,普通嘅話音,亦可以透過 VoNR 完成。中國移動香港係測試中,成功撥打全港首個 5G VoNR 語音通話。


5G 仲未有,中國移動香港宣佈完成二代 5G 獨立組網 (SA) 網絡測試


5G 仲未有,中國移動香港宣佈完成二代 5G 獨立組網 (SA) 網絡測試


 
多謝支持 ePrice.HK
文章分享
您可能也喜歡▼