21Mbps 大比拼! 中國移動香港推 10GB 計劃  月費 $100 有找

2020-03-03 15:58
若果你要上網睇到全高清或以上嘅影片,或者好快咁 Update 你手機嘅 App,家陣好流行嘅 2Mbps 速度任用計劃未必啱你。但全速呢?FUP 無限上網月費是 $168 起跳 (連賣開兩個 Plan 特價之類 Promote 啦),我無咁有錢喎?100 蚊月費有找,有 10GB 用量,速度係 21Mbps 速度,你點睇?即日起,CMHK 出咗呢個 Plan。

21Mbps 大比拼! 中國移動香港推 10GB 計劃  月費 $100 有找

即日起,中國移動香港加多一個 21Mbps 速度計劃。本來,佢哋得一個 21Mbps 速度嘅上台月費計劃,都要 $88 一個月,但得 5GB 用量,用爆咗就 128kbps 限速。5GB 係今日來講,真係好快用完。有見及此,佢哋加多一個 10GB 用量計劃,用爆咗都係 128kbps 限速。

月費 : $108
行政費: $18
合約:24 個月
通話分鐘:3000 分鐘
數據:首 10GB 21Mbps 速度,之後 128kbps 任用
中國數據:送大中華任用 (每日首 500MB 全速後 128kbps) 數據漫遊每月2日 (包中國、澳門及台灣地區)

 

每月只係 $92.4

版主,你又話一百蚊有找?是咁嘅,若果你帶 Number 轉台豁免首 3 個月月費,仲免行政費,係網店用「電子簽約」方式,仲額外送 5000 MyLink 積分,即係可以減多一次 $50 月費。

平均來講,廿四個月合約計,每月只係 $92.4。

21Mbps 大比拼! 中國移動香港推 10GB 計劃  月費 $100 有找
 

21Mbps 速度,最平 74.9

若果你講得 10GB 太多,你係低用量,佢哋嘅 21Mbps 月費計劃,都係廿四個月約,每月 $88。都係有帶 Number 轉台豁免首 3 個月月費,免行政費,係網店用「電子簽約」方式,額外送 5000 MyLink 積分,即係可以減多一次 $50 月費。送大中華任用 (每日首 500MB 全速後 128kbps) 數據漫遊每月 2 日。平均來講,廿四個月合約計,每月只係 $74.9。

有無得對比?Sun Mobile 都有相類似嘅 10GB 21Mbps 計劃,但月費就要 $140 (免行政費,簽一年合約) 相對來講,CMHK 嗰計劃就抵玩好多。

Click 呢度可以上台

 
多謝支持 ePrice.HK
您可能也喜歡▼