免費派 5G SIM 完結?CMHK mySIM 變收費,仲係咪咁抵

2021-08-10 21:10
你用得 5G,相信你有番咁上財力。你未必理佢係咪新科技,但肯定只係網絡商狂推,你想要部新手機。相反,你用得平月費,理得佢係咪 5G,最重要上網有番咁上快,月費平仲要包海量 Data 用量。有網絡商,即係中國移動香港,突然將本來派街免費試玩 SIM 之後嘅 Plan,變成賣街 Plan,掛上 5G 無合約作賣點,抵唔抵?等我哋分析。

免費派 5G SIM 完結?CMHK mySIM 變收費,仲係咪咁抵-0
 

MySIM 變嚟變去,因 5G 又番生

中國移動香港,靜靜雞係網站加多一個 session:  5G MySIM。MySim 呢件事,係好 Old news,我哋 N 年前介紹過,仲送過 SIM。N 年前,當然係 4G。嗰年代都好威架,csl 嘅 ClubSIM 都未出,連數碼通嘅 Birdie 連「蛋」都未有,佢就係香港出咗無合約嘅月費服務。可惜嘅係:做唔起上年,成個 MySIM 平台一改為「為 5G 免費試用」而生,我哋都介紹過。免費送你一個 5G,你要我登記個人資料都唔緊要,玩咗為先,玩完佢唔會取消,你可以繼續買 Plan,一日、三日、五日、甚至係外遊漫遊 Data。不過,5G 都唔再送了,呢個 mySIM 平台,又回歸收客年代。攪咗咁耐,咪講咗,唔簽合約嘅用家,講緊要收費平,Data 多囉。咁最後新 MySIM 又點攪?
 

係咁玩嘅

由即日起至 2021 年 12 月 31 日,你可以喺中國移動香港 CMHK 嘅網站,即係佢哋嘅 eSHOP ,用 $48 買佢哋嘅  5G MySIM,開卡即享額外 3GB / 90 日 5G 本地數據,連埋本身 $48 可以買嘅用量,即係 Total 有 5GB Data。以前係送嘅,加陣要買了!咁用晒點算?

001: 張卡內含 $48 儲值額,
002: 一定要用 MyLink  增值,一定要用 MyLink  增值,一定要用 MyLink 增值。呢個 App 有幾「趣」你裝下咪知囉,我只係知,佢連你嘅步速都可以 Check 到,真係咁多隻 Opeator 嘅 App,最「貼身」架
003:5G!5G!5G! 支援 5G,你一定要知!(其他台嘅無合約計劃無架喎) 
004:用爆咗,有兩個 DataPlan 你揀: $18 1GB 或 $180 10GB,每次加購數據都會自動延長 90 日有限期,如原有用量有效期較長,則以原有的有效期為準。
005:通話分鐘?無,去買囉,$10 有 100 分鐘,計埋 0.1 一分鐘,不過,好似話加陣啲人用 WhatsApp 都唔肯打電話咁囉。


$48 買到 5GB 5G Data,佢哋同樣有張「惠康」SIM,平均一個月  $30,有 80GB data,雖然無 5G 速度慢咗啲,但用量好大,一樣睇到 YouTube,ViuTV 乜乜乜。你點揀?

免費派 5G SIM 完結?CMHK mySIM 變收費,仲係咪咁抵-1
 
多謝支持 ePrice.HK
您可能也喜歡▼