留意下官網的「上台精選優惠」,最近數碼通推出了一個「4.5G 尊尚新機試用計劃」,如果你試佢哋嘅新機,就可以俾你淨係簽 6 個月約,用每月 $466 的價錢,玩真無限 4.5G 上網 Plan。不過重點是,試機並不是免費的,如果試用 Samsung Galaxy S8、S8+、Sony Xperia XZ Premium 或者 LG G6+,你仲要每個月另外俾多 $250,先可以試用,仲要一開波就要俾 $6000 嘅按金。如果你唔想加錢試用手機,得唔得先?得,不過唔可以淨係簽 6 個月約,就會變返正常咁,簽 24 個月。但問題係,無限 4.5G 數據 + 手機試用月費,連埋行政費加埋每個月都要俾 $734,咁其實係咪真係抵呢?
除左 4.5G 真無限 Plan 之外,呢個計劃仲有另一個 Option 俾你揀:就係六地數據共享。同樣地,月費都係 $466,享 6GB 的香港、中國、澳門、台灣、日本、新加坡六地數據,簽 6 個月約。但都係要試機先有,咁就無用啦,做乜要為試機而每個月俾多二百幾蚊去試機呢?你覺得係咪多餘?留言講下啦!
嫌上面太複雜,呢度有個簡化版。簡單黎講,你有兩個選擇:
1) $466 無限上網 +$250 試機 +$18 行政費 = $734 / 月 (要付 $6000 按金)
2) $466 六地共享數據 + $250 試機 + $18 行政費 = $734 / 月 (要付 $6000 按金)