數碼通 $156 月費有本地無限數據 + 全球數據

2019-11-14 18:00
文章分享
雖然近期大家都無乜心情,但有時都需要去下旅行散下心,一年去 1-2 次旅行唔過份。而去旅行就需要漫遊數據,唔想去親旅行都要去買 SIM 周圍格價咁煩,網絡商本身係有推環球 Plan,一個月費有全球數據,去旅行只需打開漫遊,連 SIM 都唔使換,係方便嘅。但你唔係個個月飛,環球 Plan 就唔係咁抵,有見及此,數碼通出招將環球 Plan 變得更有彈性,月費最平 $156,包每月本地無限上網,仲有 35GB 全球數據可以用。睇下文啦!

數碼通 $156 月費有本地無限數據 + 全球數據

數碼通推出「漫遊數據靈活通」服務,只要申請超貼心 / 倍貼心 / 貼心服務計劃,每月加 $38 / $68,就可以享有合約期內 35GB 亞太地區 / 環球漫遊數據。亦即係話,就算你用 $88 2Mbps 無限數據 Plan,都一樣可以享有呢個服務。如果你平時多數唔會去咁遠,都係主要去日本、南韓、台灣等亞太地區,其實月費 $126 就得,包每月本地 2Mbps 無限上網 + 合約期內 35GB 漫遊數據,而如果你係會去長途旅行,例如去歐洲地區,咁月費就係 $156。

數碼通 $156 月費有本地無限數據 + 全球數據

唔係廣告,不過版主個人覺得,呢個月費計劃係幾好,一來你唔使捱貴月費,就算最平個 Plan 都用到,其次就係唔同平時果啲環球 Plan,每月限死你得 1GB / 3GB / 5GB 等等,果 35GB 你係可以彈性咁去用,畢竟你無可能個個月都飛; 而且又用途不限,當你一家三口去旅行,你一個放埋 WiFi 出嚟,其實一年去一兩次旅行,理論上都夠哂你全家用。而如果真係唔夠用都好,你可以隨時加 $38 / $68 買 1GB 數據,相當靈活。我覺得 OK 啫,唔知你又點睇呢? 留言討論下啦!

按這裡可以查看亞太 / 環球的覆蓋地區
文章分享
您可能也喜歡▼