數碼通 5G 開台!詳細介紹 全港首推 DSS 動態頻普共享技術

Keith Yim 2020-05-26 00:05 | 數碼通
香港四大網絡商之一,亦係最遲推出 5G  服務嘅數碼通,廣發採訪通知,今日 25/5 下午三點會透過視像記者會方式,公佈其 5G 服務詳情。SmarTone 一直以來,用愛立信嘅 5G 設備作為賣點,比起其他網絡商都用嘅華為,有乜好處?其實,SmarTone 會係首間香港網絡商,採用 5G 最新技術 DSS (Dynamic Spectrum Sharing) 動態頻普共享去架建 5G 網絡。到底,這個暫時以 Ericsson 領先嘅技術,會否令 SmarTone 5G 網絡更具吸引力,而月費又如何?

smartone-fb.jpg
Ericsson 今年絕招:DSS

今晚 25/5 ,SmarTone 廣發採訪通知, 26/5 下午三點,會公佈其 5G 網絡於香港開網嘅情況,相信包括覆蓋及月費計劃。雖然三間網絡商都開展咗 5G 服務,但唔少人都等 SmarTone,因為佢係唯一一間唔用華為,獨家採用來自瑞典嘅 Ericsson 作為 5G 設備供應商。不過,我哋比較實事求事,採用 Ericsson,令 SmarTone 可以搶先採用呢個 5G 技術:DSS (Dynamic Spectrum Sharing) 動態頻普共享去架建 5G 網絡,呢個先係真正嘅賣點。其他網絡商相信未來都會引入,但 DSS 呢個技術,暫時以 Ericsson 最先商用化,數碼通夾 Ericsson,搶先用到 DSS 技術起網,絕對係賣點來。咁 DSS 為用家帶來乜嘢好處呢?

4G / 5G 和平地共存

DSS (Dynamic Spectrum Sharing) ,係 Ericsson 嘅設備上,叫作 ESS (Ericsson Spectrum Sharing),其實都係名一個,反正 DSS 肯定係 5G 主流技術之一。有咗 DSS,網絡商可以好快將 3G / 4G 嘅頻普,立即轉為 5G。有別於以往嘅 Refarm 重整頻譜,例如數碼通以往 4G 開台嗰陣,就將用喺 2G GSM 嘅 1800 頻段,抽出 10MHz 容量改為 4G 網絡。但抽起過程,變相把 2G GSM 容量降低。不過,當年是將 2G 轉 4G,不是 3G 轉 4G,對當時用家影響不大,但今日若果立即將 4G 抽撥部份轉 5G,舊有嘅 4G 用家會深受影響,因為 4G 相信仲有超過九成用家用緊呀。但用咗 DSS 技術,4G 與 5G 可在同一個頻段上共存,又不太影響大家,利用軟件及演算方式,在毫秒間切換 4G 與 5G 嘅用量。而喺數碼通 + Ericsson 嘅 5G 網絡上,應該會係咁樣做。

201911-5g-access---ericsson-spectrum-sharing-1500x1000px-112281.jpg
▲ 數碼通 5G 網絡,除咗會採用新嘅 N78 (3.5GHz) 提供 5G 服務,亦會利用 N1 (2100) 頻譜當中 15MHz 頻寬,與現時 4G LTE 網絡共用。透過 DSS (Ericsson 設備名字叫 ESS, Ericsson Spectrum Sharing) 技術,在 1ms 時間內,自動調控給予用家嘅上網頻寬,讓 4G / 5G 網絡可以共存。這亦是數碼通解決大埔,馬鞍山,粉嶺等地,5G 結界無 5G 覆蓋問題。

至於 SmarTone 嘅 5G 網絡,我認為大約如下:

001:   跟其他網絡商一樣,利用中頻 N78 (3.5GHz) 頻段作室外覆蓋。
002:  大埔、馬鞍山,粉嶺等 5G  結界地區,採用 DSS 技術,用 N1 (2100) 作覆蓋
003:  全部香港發售採用 Qualcomm CPU 嘅行貨 5G 手機都支援 N1 (2100) 頻段及 DSS 技術
004:  用上 DSS 技術,現有嘅 4G 用戶,係 N1 (2100) 覆蓋地區,不會受太大影響,同樣擁有番相同嘅頻寬作上網之用。
005:  由於 DSS 技術可沿用現時 4G 基站以軟件作操控,數碼通可以用最快速度,以 N1 (2100) 作全港性 5G 覆蓋 ( 26/5 開台,已全港覆蓋 70%,包括 5G 結界如大埔及馬鞍山區域,預計下年年中,全港室外室內覆蓋)
006:  現時數碼通已全港開放 Band 1 (2100) (5G 叫作 N1,是同一頻段)  15MHz 頻寬,係 4G LT 主頻 (注意,SmarTone 同時以 10MHz B7、10MHz B3 及 5MHz B8 作 4G 網絡,不只有 15MHz B1 咁少嘅)。此頻寬 15MHz B1 相信亦可以同時應用喺 SmarTone 嘅 5G 網絡上。
006: 相對 3.5GHz 及 csl 與中國移動香港會係大埔、馬鞍山,粉嶺等 5G  結界地區採用 N79 (4.9GHz) 頻段,N1 (2100) 支援更多 5G 手機 (包括 Samsung、華為、小米),有更加「入屋」嘅效果,若用於全港,即係 5G 訊號,會更容易於室內收到。
007:  不過,以數碼通來講,N1(2100) 只有 15MHz,比起 N78 (3.5GHz) 其他台至少有 40MHz 頻寬比較,5G 最高上網速度應該無採用 N78 網絡咁快 (但數碼通也有 N78 頻段 5G 網絡,並有 50MHz 頻寬),採用 DSS 技術 N1 (2100) 頻段,相信用來作比較深入嘅室內覆蓋及應付 5G 結界之用) 


最後,SmarTone 嘅 5G 會係點?收費又如何?26/5 下午三點之後,大家就會知。
但我哋都揾到 D 有關數碼通 5G 月費計劃資料,一定要睇



 

最新新聞