免簽長約!教你 CMHK、數碼通 5G Plan 無合約 試到啱為止

2020-08-28 20:01
提到上台最怕甚麼?相信大部分網友心目中,都會認為最怕被綑綁長約。所以,免合約的 Club Like、MO SIM、自由鳥等,就因此而受到網友歡迎。多謝 5G,不少網絡商都推出無合約體驗 Plan,繼 csl.、CMHK 之後,就連數碼通都玩埋一份。個 Plan 不是一直無合約,但有方法可以避過這限制,想知點做,內文教你。

免簽長約!教你 CMHK、數碼通 5G Plan 無合約 試到啱為止

版主其實都有介紹過,csl. 之前推出過 3 個月短約 Plan,而 CMHK 亦都有一個月 5G 試用 Plan,前者就無乜限制,3 個月後可以再續 3 個月,而後者就不同,試用了一個月 5G Plan 之後,一係就直接 Cut Plan,一係就要簽 24 個月合約。

有一個方法可以真無合約,無限「試用」,就係不斷開新號碼,一個月完,就 CUT,然後再開新號碼,再試用。但這個方法有個缺點,就是不能作為主號,好像玩儲值卡般,個個月轉咭。

而 SmarTone 最近推出的無合約體驗 Plan,同 CMHK 有少少類似,都是只有短期優惠,分別在於 CMHK 完了一個月就要你轉走 / 簽約,而 SmarTone 就用了兩個月之後,可以讓你繼續無合約下使用,不過就不會是 $398 / 100GB 的優惠價,而是 $476 / 80GB 的原價。但這個計劃跟 CMHK 一樣都是有個漏洞,就是可以開新號碼「無限試」,因為每個號碼只可享優惠一次,但沒有限制每個用戶可以開幾多個號碼。

免簽長約!教你 CMHK、數碼通 5G Plan 無合約 試到啱為止

所以,無論是 CMHK 還是 SmarTone,我覺得可以這樣玩:將主號 MNP 到儲值卡養號碼,然後不斷開新號碼「無限試」5G Plan,那就可以做到「真無合約」。同埋這樣也可以很靈活,反正除了 3HK 以外,csl.、CMHK 以及 SmarTone 都有這類型「短約」Plan,變相你可以頭三個月試 csl.、之後試 CMHK、再之後試 SmarTone,試到啱為止,最後決定到哪個網絡商的 5G 最適合你,先再考慮會唔會簽長約。係就係麻煩少少,但都係一個可考慮的方案。你又點睇呢?

按呢度有更多 SmarTone 5G 試用計劃詳情
按呢度有更多 CMHK 5G 試用計劃詳情
按呢度有更多 csl 5G 短合約計劃詳情
發表於 2020-08-29 00:04
2 樓
不停開新號碼呢招係得 但會Blacklist架
N年前仲係萬眾電話個年代 有第1個月GPRS 任用冇合約 我就係咁連續12個月都咁玩 開左12次新號碼 之後萬眾話唔可以再咁玩因為我屬於濫用 之後中移動就買左Peoples 去到今時今日我都仲有曾經開過電話號碼D Record 
雖然冇咩影響 但原來佢地係可以唔比我上台架
您可能也喜歡▼