SmarTone 公佈最新 5G 港鐵覆蓋!你去開嗰啲站有無份

2020-12-18 16:42
一係唔起,一起可以好快。我講緊係 5G 網絡覆蓋。由四月到今日,間間都話自己覆蓋好好。今日輪到 SmarTone 講自己嘅網絡覆蓋。相信大家都重視係港鐵接收,到底有幾個站,係用到 SmarTone 嘅 5G 網絡呢?仲有其他地區,想知就要 Click 入來睇睇。

SmarTone 公佈最新 5G 港鐵覆蓋!你去開嗰啲站有無份

今日數碼通跟幾個科技媒體開咗場視像會議,由 SmarTone 嘅科技總裁鄒金根講解一下,家陣 SmarTone 5G 覆蓋情況。

鄒先生表示:「現時 SmarTone 已提早完成本來承諾咗 2020 年底前嘅 5G 覆蓋,現時大部份有 4G 網絡嘅地區,都有 5G 覆蓋。」

根據 SmarTone 給予嘅資料,已超過 95% 人口覆蓋,詳情可睇下面圖片解說。比較特別嘅,除咗傳統嘅主要公路、隧道、商業大樓等,SmarTone 特別提到郊野公園,單車徑,尤其係啟用咗幾個月嘅屯門至馬鞍山單車徑已全條都收到 SmarTone 5G 訊號。

SmarTone 公佈最新 5G 港鐵覆蓋!你去開嗰啲站有無份
▲ SmarTone 係 2020 年 12 月 18 日公佈嘅 5G 覆蓋範圍。

SmarTone 公佈最新 5G 港鐵覆蓋!你去開嗰啲站有無份
▲ 利用 nPerf 呢個 App 就可以查到香港網絡商嘅 5G 覆蓋。呢個係 SmarTone 嘅。想知道乜嘢係 nPerf,點樣用,可以 Click 呢度 (Patreon 收費內容)

SmarTone 公佈最新 5G 港鐵覆蓋!你去開嗰啲站有無份

▲ 65 個郊野公園行山徑,都收到 5G。

SmarTone 公佈最新 5G 港鐵覆蓋!你去開嗰啲站有無份

▲ 室內商業大樓及商場。

SmarTone 公佈最新 5G 港鐵覆蓋!你去開嗰啲站有無份
▲ 港鐵就有 55 個站。
 

幾時港鐵有快速 5G

大家有留意版主介紹香港 5G,都知道,SmarTone 係最先採用 n1 (2100) 頻段,由 4G 改為 5G,加速咗 5G 嘅建速度 (當然加埋佢哋嘅 DSS 技術,4G 網絡用家,都繼續收到對應嘅 B1 (2100) 嘅 4G 訊號),但如果真正要享用到最好嘅 5G 上網速度,其實收到 n78 訊號係好重要。SmarTone 表示,現時用 n78 頻段嘅 5G 覆蓋,大約佔全個 5G 網絡嘅 60% 左右。

版主都有問到,港鐵地底部份,係咪用唔到 n78 頻段建網?鄒先生表示,若果係港鐵採用 n78 頻段用作 5G 網絡,除了要港鐵網絡基建要全光纖化,加上要再作規劃先可以做到,相信要花一年至兩年時間,所以現時網絡商港鐵地底部份,都只可以用 n1 頻段(即以往嘅 4G 頻段)提供覆蓋。

想知道更多關於香港 5G 嘅消息及全球 5G 嘅發展,請登入 ePrice 嘅  Patreon 收費頻道。每月 US$6 可睇晒以下精選嘅 5G 及香港網絡商有關精選內容。部份測試,係香港其他媒體你係唔會睇得到。

Patreon 收費內容精選
香港四大 5G 網絡商,邊間收得最好?(教你點樣揀)
Speedtest.net 母公司暗爆香港 5G 網絡覆蓋成績
韓國 5G 大比拼 華為勝出
印度富商買起 OneWeb 衛星寬頻 2022 全球覆蓋
5G 結界有救!特首話四年內攪掂!短評 2020 施政報告 5G 政策
三間網絡商 5G 通地鐵!剩低呢間無
初步了解香港 5G 網絡,有 5G 一定上網快?
多謝支持 ePrice.HK
您可能也喜歡▼