九巴拍 SmarTone ! 5G 巴士上網免費無限用

2021-08-12 18:31
九巴一直都有提供免費 WiFi 服務,不過限咗每日兩節,仲要每節十五分鐘斷一次。作為經常坐嘅九巴膠,我都好耐無用啦!不過,原來九巴已經同另一個網絡商 SmarTone 合作,係巴士裝 5G 訊號接收器之處,仲提供埋 5G 網絡嘅 WiFi 服務,今次仲要真無限,長途巴士超過一個鐘,都可以全程免費 WiFi 上網。係咪好正呢?

九巴拍 SmarTone ! 5G 巴士上網免費無限用-0
 

SmarTone 提供全日免費 WiFi

九巴今日同 SmarTone 宣佈 5G 巴士嘅合作計劃,係乘客嘅層面,主要有兩個「著數」。首先,就係九巴會提供 5G 巴士服務,即係巴士上面,會為用家提供 SmarTone 網絡訊號轉化成嘅 WiFi,而呢個服務仲要係免費,只要你用手機登入 SmarTone-5G 嘅 SSID,再係指定頁面登入,就可以上網每次三十分鐘,每日可以多次再接駁。暫時嚟講,九巴安排咗廿架 5G 巴士,喺十條路線行走。
                                                                                                                                                       
九巴拍 SmarTone ! 5G 巴士上網免費無限用-1
▲ 九巴今次安排嘅十條路線,以新界及郊區線為主。可見 SmarTone 對郊區嘅 5G 覆蓋,好有信心。九巴表不未來會推廣至其他不同路線。
 

車務調動也用 5G

今次九巴跟數碼通合作,唔單止係乘客嘅免費 WiFi 咁簡單,當中還包括九巴嘅技術營運,如自動告知巴士太陽能板的運作情況,路道站頭情況。配合計算乘客儀器,把數據即時用 5G 傳送上雲端,未來九巴 App 更可以顯示巴士的承載量,太滿座嘅話,你咪去餐廳飲多杯咖啡先再去等巴士囉。

九巴拍 SmarTone ! 5G 巴士上網免費無限用-2
▲ 未來,九巴 App 可提供個別車廂嘅載客量,有關數據都係透過 5G 網絡傳送至伺服器
 

5G 巴士圖片集

 
 
多謝支持 ePrice.HK
您可能也喜歡▼