商務機都影到靚相? BlackBerry KEY2 實拍 12 小時

2018-11-01 20:51
還記得本 YK 第一日問版主 Keith 大大借黎試玩 BlackBerry KEY2 鍵盤手機,最主要都係為左個實體鍵盤而著迷。皆因低輸入錯誤率、可以滑動的觸控鍵盤、一堆實用的商務套件配合,稱得上係商務機之王。 但勢估唔到 KEY2 的相機表現,先係我低估佢得太多的部分! 12 小時地獄實拍,GO!

商務機都影到靚相? BlackBerry KEY2 實拍 12 小時

KEY2 採用雙鏡頭方案,廣角 f/1.8 相位對焦鏡頭;長焦 f/2.6 相位對焦鏡頭。上一次快速試玩感覺畫質很一般。趕命咁去海馬公園玩,但主機忘記充電,唯有「頂硬上」用 KEY2 影少少相。 唔知係咪軟件更新左,估唔到拍出黎出乎意料之外,商務定位鍵盤戰士原來輕度旅攝都得。

出發嚕!
十月去海馬公園,簡直係去地獄,皆因萬聖節檔期,四處都係鬼怪當道,十足宜家網絡世界咁。本 YK 帶著一絲仙氣,殺入海馬地獄園,用盡港人免費入場福利都係理所當然的事。

商務機都影到靚相? BlackBerry KEY2 實拍 12 小時
▲ 園區鬼怪多,鬼佬都特別多,園內大家都打扮得非常妖艷,應該係「多妖少艷」先岩。

商務機都影到靚相? BlackBerry KEY2 實拍 12 小時
▲ 「入公園、睇熊貓」梗係指定動作,一家大細全家黑眼圈,熊貓一日訓 10 個小時都唔夠。

商務機都影到靚相? BlackBerry KEY2 實拍 12 小時
▲ 睇熊貓變成睇小熊貓,樣子很趣怪。 但 KEY2 在室內缺光的情況下,油畫化情況值得小心。但其實小熊貓同我有差唔多 5 米距離,咁都影到佢個「貓樣」算好彩~

商務機都影到靚相? BlackBerry KEY2 實拍 12 小時
▲ 小水瀨公仔就有一隻,玻璃裡面就見唔到,聽隔離個大媽講,話小水瀨潛左水。

商務機都影到靚相? BlackBerry KEY2 實拍 12 小時
▲ 海馬公園佈置都好應景,「布丁狗」都可以變成「南瓜狗」。

商務機都影到靚相? BlackBerry KEY2 實拍 12 小時
▲ 有無網友知道呢種植物叫乜名? 本 YK 見隔離大叔用 5D Mark 2 + 小白係度影佢。我自然不甘落後,雙手揸實 KEY2,紮好馬步,CLICK 多幾下先離開~

商務機都影到靚相? BlackBerry KEY2 實拍 12 小時
▲  「濕汗白衣、體育褲、全女班」定係「白皙骨感、深邃眼神、露齒笑」吸引你?

商務機都影到靚相? BlackBerry KEY2 實拍 12 小時
▲ 「做人無夢想,同鹹魚有乜分別?」但其實有夢想但得個想,其實慘過做鹹魚。

商務機都影到靚相? BlackBerry KEY2 實拍 12 小時
▲ 話明摩天輪,你要坐輪就要排隊輪。 本 YK 排到一半就走左,因為。。。 突然想起,唔想自己一條佬坐一卡,更唔想 J、Q、K 咁樣一卡。

商務機都影到靚相? BlackBerry KEY2 實拍 12 小時
▲ 話口未完,睇完個海豚、海獅 SHOW 拍爛手掌行出黎,我都係想影個無人嘅摩天輪姐,好嗎?

商務機都影到靚相? BlackBerry KEY2 實拍 12 小時
▲ 最後,我唯有同纜車師傅講,比一卡我安靜下,謝謝。

商務機都影到靚相? BlackBerry KEY2 實拍 12 小時
商務機都影到靚相? BlackBerry KEY2 實拍 12 小時
▲ 香港老大街的風味,總讓我短暫逃離虛榮假盛的現實,回到「N 十年代」令人懷念的時光。你地搵唔搵到幸運雜貨呀?

商務機都影到靚相? BlackBerry KEY2 實拍 12 小時
▲ 個牌好適合今日的我,好似係,應該係,肯定係~

商務機都影到靚相? BlackBerry KEY2 實拍 12 小時
▲ 再見,地獄一日遊到此為止,下年同樣時間再見~呃,呢個公仔樣子好似叮噹。

商務機都影到靚相? BlackBerry KEY2 實拍 12 小時
▲ 晚餐繼續用 KEY2 影相,當晚佢仲有約 40% 電量。

商務機都影到靚相? BlackBerry KEY2 實拍 12 小時
▲ 呢間餐廳晚市認真平又好食,肉軟味香咬多汁。但唔好 PM ME,我唔想太多人同我逼~


後記:
正所謂「屎急馬行田」,從來沒有對 KEY2 的相機報以高度期望。但就好似「私生子」執意離開之時,所謂的大後備「風之子」都要挺身而出,話比大家聽其實我係好努力好得,希望大家唔好睇少我。 關鍵時候幫上忙,可靠 + 穩定比什麼天才都重要,完。