性價比先決挑戰小米 4!國牌 4G 手機兩千頭入手攻略!

2014-07-21 17:29
聽日就係小米既發佈會啦,傳聞中採用鋼版機身小米 4 會登場亦會有 4G-LTE 版本既紅米同埋紅米 Note ,大家就可以拭目以待啦。如果你問版主 Eddie 對小米 4 期待大唔大?今年國牌既旗艦手機不停係咁出,香港買得到隨便數都有 OnePlus One 、 Oppo Find 7/7a 、 ViVo Xshot 等等,都係打「性價比旗艦」既路線,不過咁多款手機係場內大家定必花多眼亂,就等我同大家報告一下入手行情啦!

性價比先決挑戰小米 4!國牌 4G 手機兩千頭入手攻略!-0
 

OnePlus One (16GB) $2,600 有交易!買大陸水貨定等「邀請碼」?

首先同大家講既就係場內最多鋪賣既手機 OnePlus One 啦,佢同小米一樣算係幾難買得到既手機,難買地方唔在於需要去「搶」,而係需要 OnePlus 既「邀請碼」先買得到,所以唔少店家選擇引入大陸版本既 OnePlus One 黎香港賣,與國際版不同的是大陸版會預載 Color OS ,不過同樣都支援香港的 1800+ 2600 頻段FDD-LTE 頻段,同時也支援中國的 Band 38 2600 TD-LTE 4G、TD-SCDMA 3G  啊!現時場內水貨價錢是 16GB 賣 $2,600 ~ $2,650 左右; 64GB 賣 $3,100 ~ $3,200 左右,聽說因為它不能插卡的關係,場內的 64GB 搶手好多。

講到規格, OnePlus One 可以話係中規中矩既一部作品,採用 5.5 吋 1920 x 1080 解像度屏幕、Qualcomm S801 2.5GHz 四核心處理器、3GB RAM 、 1300 萬像素主鏡頭和 500 萬像素前鏡頭、 3100mAh 電池,各方面的數字都很高。版主覺得它的價值在於 CyanogenMod ,雖然話店家通常都肯幫大家將大陸版 OnePlus One 刷做 CM Rom ,不過有部份鋪頭需要加 $50 ~ $100 才肯幫手,入手之前要注意下了。其實,版主身邊幾個朋友都收到「邀請碼」,其實難度有幾高icon?大家又會唔會揀等「邀請碼」?

性價比先決挑戰小米 4!國牌 4G 手機兩千頭入手攻略!-2
▲這是大陸版 OnePlus One 開箱的樣子,有店鋪肯免費幫大家改 CM Rom,如果識刷官方也有提供 CM Rom 啦
 

OnePlus One 評測相關文章:

1. 版主視像 Hands-on 點評 OnePlus One
2. OnePlus One 外型 + 跑分
3. ​CM 軟件 x Sony 相機! OnePlus One 極高 ISO 拍攝測試
 

ViVo Xshot 唔只賣相機!支援 TD-SCDMA + TD-LTE 是重點!

另一部版主要介紹既就係 ViVo 既旗艦手機 Xshot 啦,這部手機採用 5.2 吋 1920 x 1080 解像度屏幕、 Qualcomm S801 2.3GHz 四核心處理器、 2GB RAM ,內置 16GB ROM ,主打攝影的它具備 1300 萬像素鏡頭 (f/1.8 大光圈)和 800 萬像素前鏡頭,內置 2600mAh 的電池量不算太大。這部手機場內賣大約 $3,600 左右,相對於 OnePlus One 各方面都略遜一籌,其實佢除左主打「攝影」之外仲有另一個特別之處。

香港店鋪引入既 ViVo Xshot 係「精英版」,除左支援香港既 3G WCDMA 同埋 4G FDD-LTE 之外,更加支援中國移動 CMCC 既 TD-SCDMA 3G 同埋 TD-LTE 4G ,換句話說,可以用到中國移動香港 CMHK 的中國 4G 數據漫遊,相對於言就比較方便,大家又會考慮入手它嗎?

性價比先決挑戰小米 4!國牌 4G 手機兩千頭入手攻略!-3
▲ViVo Xshot 進貨的商鋪不算多,主打就是高解像度鏡頭和支援多個頻段了
 

Oppo Find7a/Find 7 場價接近網上賣價你點揀?

如果網友問版主 Eddie 今年最鐘意既國牌手機係邊部,我可以肯定答到大家係 Oppo 既 Find7 !鐘意佢既原因好簡單,就係有半個鐘充 75% 既超速充電同埋可以刷 CM Rom ,反而用 1300 萬像素鏡頭拍攝 5000 萬像素這個功能我很少用了。

網友討論得比較多是規格較高的 Oppo Find 7 ,它採用 2560 x 1440 解像度 5.5 吋屏幕、Qualcomm S801 2.5GHz 四核心處理器、 3GB RAM ,內置 32GB 容量並可以外置插卡,1300 萬像素主鏡頭和 500 萬像素前鏡頭, 3000mAh 電池,場內定價 $4,600 ~ $4,700 左右,與網上 $599 美金 (約 $4,643 港幣)的定價差不多;而採用 FHD 屏幕、 Qualcomm S801 2.3GHz 四核配 2GB RAM 的 Oppo Find7a 場內定價在 $3,600 ~ $3,700 ,亦與 Oppo Style 定價差不多啊!

順帶一提,這部手機在 Oppo Style 網站上面一直缺貨,然而就有兩年保養和免費送貨到香港,仲可以順手買多塊電池,亦可作考慮啊!

性價比先決挑戰小米 4!國牌 4G 手機兩千頭入手攻略!-4
▲無論是 Oppo Find 7 還 Oppo Find 7a ,都有著高速充電功能,用過就知道幾方便!
 

Oppo Find7/ Find7a 評測系列:

Oppo Find 7a 真機抵港!開箱、跑分、相機成像測試!
半個鐘 充七成電! Oppo Find 7a VOOC 閃充大測試
Oppo Find 7 Hands on + 跑分 + 屏幕比拼
2K 屏幕大戰 LG G3 !Oppo Find 7 抵港開箱試跑分!
 

$2,250 平價 4G LTE + S801 之選! ZTE Grand S II 性價比夠唔夠高?

其實仲有一部 $2,000 頭既平價 S801 + 4G LTE 手機水貨可以選擇,就係之前同大家介紹過既 ZTE Grand S II 啦。佢採用 5.5 FHD 屏幕、 Qualcomm S801 2.3GHz 四核心處理器、2GB RAM 、 16GB ROM(可外置插卡) ,1300 萬像素鏡頭和 200 萬像素前鏡頭,3100mAh 可換式電池。它的魅力除左平之外,五模十七頻的支援性也是一個亮點啊!這部手機在場內賣得算便宜,大約 $2,250 左右就可以入手大陸水貨,當然是內置了店家安裝 Google Play Store 的版本啦!

性價比先決挑戰小米 4!國牌 4G 手機兩千頭入手攻略!-5
▲ ZTE Grand S II LTE 在場內賣得算便宜,性價比是否最高的一部呢?
 

中移動會推出什麼新機?

除左場內既國牌手機之外,版主亦都留意到中國移動香港係佢地既 Facebook Page 公佈會出一部多頻 4G LTE 手機,究竟係咩手機可以同 iPhone 5s 、 Samsung Galaxy Note 3 (TD-LTE 版)相比呢?又有冇機會係引入上面其中一部手機?版主暫時未收到更多消息,似乎也可以期待一下啊icon

性價比先決挑戰小米 4!國牌 4G 手機兩千頭入手攻略!-7
▲中移動會推出一部多頻 4G LTE 手機,唔知有冇 5 模 17 頻咁誇張呢?
 

網友齊齊傾:國牌手機你揀邊部?小米 4 有什麼更值得期待的?

根據小米一年推一部旗艦的慣例,明天的那一部應該就是小米 4 啦,睇完版主介紹既幾部國牌手機,大家又認為小米 4 係香港推出會唔會有人搶呢?之前都流出過小米 4 會上金屬機身,大家認為會唔會成為入手的原因呢?網友不如留言講講自己支援邊部國牌手機,又留言分享下對小米新機既期望吧!
發表於 2014-07-21 21:57
2 樓
Vivo Xshot 精英版官網寫僅國際漫遊時才支持 FDD-LTE 1800 / 2600,沒有指明香港一定能正常使用。

版主寫的規格是精英版的,不是旗艦的,旗艦版是 Qualcomm S801  2.5GHz 四核心處理器, 3GB RAM ,內置 32GB ROM,最大支 128GB 擴充,前置 800萬鏡頭帶補光燈,後置 1300萬鏡頭 1.8 光圈 雙色溫 LED 燈,有獨立快門制,影相有全手動設置,還可以對焦跟感光分離,對於喜歡玩影相的人幾合適。我買俾老婆用了一個月,感覺良好,她最喜歡就係自拍功能,影得靚過好多機。
 
發表於 2014-07-23 19:09
3 樓

我之前有過一部,似乎佢當左香港 SIM  卡係漫遊,總之我用到啦 :P
我係場內只係見過精英版~旗艦版好似難搵好多
發表於 2014-10-01 18:23
4 樓
我買的是旗艦版,貪佢有 3G Ram 32G Rom,係Vivo網直接訂,寄去深圳朋友到然後攞俾我。最近安裝埋 Google Play,大家可以試下://www.gizchina.com/2014/07/09/fix-google-services-vivo-xshot-vivo-xplay-3s/