免信用卡! 去豐澤買嘢 FlexiPay 分期有錢分?版主即計係咪真係抵

2018-09-26 14:15
最近上豐澤官網時發現,原來佢哋推出咗豐澤 FlexiPay 「攤長畀」分期計劃,買電器/手機/電腦有得分期,是 Old News!有乜咁好講!但 FlexiPay 又寫得好著數,可以攤到 60 個月咁長慢慢還,仲係零利息,仲可以手提取你部機價錢三倍現金!買嘢,仲送埋錢?有無攪錯!嗱嗱嗱,呢個世界,有無咁著數先?睇下文啦!

免信用卡!  去豐澤買嘢 FlexiPay 分期有錢分?版主即計係咪真係抵
 

豐澤今次呢個 FlexiPay 「攤長畀」分期計劃,拍嘅唔係銀行,係一間叫 WeLend 公司,錢係由佢地借出來!買一件產品,最多可以攤分 60 個月還,仲講到係零利息,可以有多產品價值三倍嘅現金,因為係跟豐澤合作,連易賞錢都多最多五倍....聽落十分之抵,咁係咪唔好再用傳統信用卡免息分期呢?


免信用卡!  去豐澤買嘢 FlexiPay 分期有錢分?版主即計係咪真係抵

001:行政費每月俾,實際要俾多好錢
雖然佢寫就寫住零利息、零手續費,但需要每個月俾 0.8% 行政費,所以豐澤 FlexiPay 「攤長畀」分期計劃,跟信用卡免息分期唔同,其實最終俾多咗產品嘅價錢!

以下例子:
如手機 A 是 HK$5000,供款期為 36 個月,總還款額實際是 $6440,最後俾多 $1440,即係俾多咗28.8% 價錢!


說實一句,呢 d 計劃,跟一般銀行做緊嘅私人貸款,性質一樣。版主隨機挑選了幾間常見銀行的類似計劃比較過 (官網的資料),發現經豐澤豐澤 FlexiPay 「攤長畀」分期計劃畀錢,還款額比起其他銀行還要高。

用番上面嗰例子,買 $5000 蚊產品,分 36 個月還錢

  借貸金額 供款期 行政月費/月平息 每月供款* 總還款額
Welend 5000 36 40 179 6440
恆生 5000 36 25.5 164 5918
渣打 5000 36 22 161 5791
HSBC 5000 36 29 168 6044

由此可見,雖然佢講就講話零利息、零手續費,但實際上每個月要俾 0.8% 行政費,咁其實同銀行講的「月平息」無分別。若果你真係慘到要去借錢買心頭好,實實際際去行銀行申請仲有著數, 
 

002:可以提取 3x 額外現金

有一點值得留意,WeLend 唔單止係鼓勵人用佢服務分期買嘢,佢仲會鼓勵人借多過自己買的產品金額,例如你買的產品金額係 $5000,佢係可以俾你提取高達 3x 的額外現金,即 $5000 + $15000,Total $20000,不過,廣告都有講,借錢梗要還,還得到先好借,大家要明白呢點

003:同和黃合作
點解咁大間豐澤,本來有齊好多間銀行,提供真. 免息分期,都會出個 FlexiPay 計劃。原來呢個係和黃系跟 WeLend 嘅合作計劃,所以,和黃系零售業務,豐澤與 3 香港都會有類似「分期」計劃,最後都要講多次:借錢梗要還,還得到先好借。

按這裡可以到豐澤官網了解更多