戶外、出海必備! 真三卡 IP69K 軍規三防機三千有找

2018-10-21 10:38
年中無休總有網友問本 YK 有無三防機好推介,暑假就去沖繩玩沙戲水、聖誕就去泰國攀山出海,擁有一部可靠的三防機確實係合理不過之事。 咩話? 普通 IP68 旗艦機得唔得?哦,你咪試下話我知囉~ 早幾日收到消息,有部頂級 IP68 / IP69K + MIL-STD-810G 軍規認證的手機將會出香港行貨,究竟係乜? 

戶外、出海必備! 真三卡 IP69K 軍規三防機三千有找

話說版主 Keith 行去亞博展覽場,發現一部早前係 INDIEGOGO 眾籌網站出現過的三防機竟然現身香港。呢部 Ulefone Armor 3T 其實都係一部 Android 智能電話,但特別之處是有天線配對講機功能(1W-2W 發射功率),可以調頻同市面上其他對講機通訊。結合頂級 IP68/IP69K 雙防護認證、軍規級 MIL-STD-810G,以及 10300mAh 超大電池,完全為上山下海戶外之友而生!

戶外、出海必備! 真三卡 IP69K 軍規三防機三千有找
▲ 採用 MTK Helio P23 核心處理器,配合 4GB RAM + 64GB ROM,運行 Android 8.1 系統。Armor 3T 屏幕 5.7 吋 1080p 解像度,擁有 Gorilla 5 大猩猩加持。

戶外、出海必備! 真三卡 IP69K 軍規三防機三千有找
▲Armor 3T 重量達 374g,防水、防塵、防撞,再用上 TPU 塑膠 + 鋁合金機身,確實睇落好強悍。

戶外、出海必備! 真三卡 IP69K 軍規三防機三千有找
▲ 其實最正係支持真三卡,兩張 nano sim + micro-sd 插爆佢都得。官方講明有 NFC 支持 Google Pay,唔知係咪抽堆國產機水無 NFC 呢?

戶外、出海必備! 真三卡 IP69K 軍規三防機三千有找
▲ 主鏡頭 2100 萬像素 f/1.8 大光圈,前鏡頭 800 像素 F/2.0 大光圈。

戶外、出海必備! 真三卡 IP69K 軍規三防機三千有找
▲ 無 3.5mm 耳機孔,因為多個 hole 就多個入水風險。

本 YK 立刻問官方最緊要的資料:有無打算賣黎香港?結果係「有」! 大約11月初就會正式到港,賣價方面預計 300 美金左右,折合港幣約 2400元。

戶外、出海必備! 真三卡 IP69K 軍規三防機三千有找
▲ 其實現場仲見到有另外兩部機,一部叫  Ulefone T2,另一部係 Armor 6 (上圖),但官方話未確定係咪賣香港行貨,目前預計上市時間係聖誕左右,未確定我都唔多講。


結論
如果你同本 YK 一樣係戶外之友,又或者係「忽然戶外之友」,市面上確實無幾多款三防機,而且又要價錢吸引,Ulefone Armor 3T 都係一部做戶外活動專機考慮之選。網友們,你地又有無其他三防機推薦?