衛訊一、二月優惠!二千唔駛 Sony 六吋大芒機最抵!

2019-01-01 14:53
每個月第一日,多數係公眾假期,亦係大型電器連鎖店轉信用卡優惠嘅時間。一、二月,輪到衛訊轉優惠:今次佢哋大新信用卡合作。但若果你無呢間銀行嘅信用卡,一樣可以買到呢期嘅特價手機。四款之中,以 Sony 六吋大芒手機,應該最合網友心水、一款 Feature Phone 好合行山嘅老友記、仲有若果你想換一部有埋 Keyboard 嘅機,黑莓 Key2 減到同呢排推出嘅次款 Key2 LE 差唔多價,無理由差少少買差好多嘅降規版本吧。

衛訊一、二月優惠!二千唔駛 Sony 六吋大芒機最抵!

四大減價手機短評:

衛訊一、二月優惠!二千唔駛 Sony 六吋大芒機最抵!
▲ 呢款 Sony Xperia XA2 Ultra,新推出時要 $3498,最近減到 $2598,今次最終一減至 $1998,令到可買到度增加唔少。二千有找,有六吋 Full HD 大芒。因為唔係 18:9 長比例,呢個六吋芒,係真係好大嘅,加上 Full HD 解像度,睇片會好好。Qualcomm S630 CPU + 4GB RAM。用上 3580mAH 電池,內置 64GB ROM 可選擇插 MicroSD 記憶卡。主相機採用 Z5 級數嘅 2300 萬像素鏡頭,也是曾經旗艦過,影到 4K 短片,夜拍 ISO 可以高至 128000。以二千蚊手機來講,呢個相機規格是很無敵。而前置鏡頭有兩個,其中一個八百萬鏡頭以120° 超廣角為賣點,好合影一大班人嘅 Groupie。
Sony Xperia XA2 Ultra 前大舖賣價:$2598,家陣衛訊特價:HK$1998。

衛訊一、二月優惠!二千唔駛 Sony 六吋大芒機最抵!
▲ 版主呢排玩緊 BlackBerry Key2 LE,呢部機賣緊 $3888,但部份效果,尤其影相部份,真係似千元手機。不過,好采今次減價係 Key2,由原價 $5698 減到 $3988,跟 Key2 LE 差一百蚊。Key2 用上 S660 CPU,有 6GB RAM,雖然跟 Key2 LE 好似,但其實好用好多,鍵盤部份,整個鍵盤都是一塊 Track Pad 觸控板,Key2 LE 就無,另外,ePrice 大仙  YK 都評測過 Key2 嘅相機效果,真係唔錯,比起版主玩 Key2 LE 採用千元價位級相機實在差太遠。簡單來講,你想買一部有鍵盤嘅 Android 手機,就係呢部,無其他。
BlackBerry Key2 前大舖賣價:$4998,家陣衛訊特價:HK$3988。


衛訊一、二月優惠!二千唔駛 Sony 六吋大芒機最抵!
▲ Vivo X21 香港版是香港首部屏幕指紋手機,呢部機,以中國大陸出品來講,規格算唔錯,例如有屏幕指紋 + 人臉識別,相機都係旗艦級嘅 1200 萬 Dual Pixel 感光器鏡頭,內置 Hi-Fi DAC ,係 LG 手機之外,少有選擇,用來聽歌都唔錯。呢部機早排減至 $4198,Vivo 官方網店都係呢個價,今次減至 $2998,都係一個字來形容:抵。
Vivo X21 前大舖賣價:$4198,家陣衛訊特價:HK$2988。


衛訊一、二月優惠!二千唔駛 Sony 六吋大芒機最抵!
▲ 最後呢期減價係 Caterpillar B30,$599 嘅 2 吋彩芒 Feature Phone,最勁之處係支援 3G 話音,仲有 1.8 米防跌、IP67 防水,真係強橫嘅功能手機。不過咁,$599 唔係特別平,因為有其他網店都做緊$600 行貨價。
Caterpillar B30 前大舖賣價:$899,家陣衛訊特價:HK$599。

衛訊一、二月優惠!二千唔駛 Sony 六吋大芒機最抵!
▲ 2019 年 1 月及 2 月,衛訊會做大新信用卡優惠,買嘢過三千就有回贈,以上述特價手機來講,BlackBerry Key2 即係仲有最多 $180 回贈呢!

衛訊一、二月優惠!二千唔駛 Sony 六吋大芒機最抵!

▲ 衛訊 1 月 及 2 月嘅特價 Product 清單。
 
多謝支持 ePrice.HK