模擬電視廣播中止!600 / 700 低頻 4G 5G 只用在室內,安排差

2019-02-11 15:42
香港 4:3 比例用 600-700 頻段提供嘅模擬電視廣播會玩完了!今日香港政府公佈,會在 2020 年 11 月終止模擬電視廣播,若果你仲睇緊舊式電視,只睇到 TVB,無 ViuTV 嘅電視機,就要買過部新了! 咁多了 600-700 頻段,咪可以更多空間做 5G?

模擬電視廣播中止!600 / 700 低頻 4G 5G 只用在室內,安排差
 


2020 年 11 月模擬電視服務終止

今日政府公佈,會在 2020 年 11月終止於 600- 700 頻段 (嚴格來講,係由 617- 803 頻段)提供嘅模擬電視服務。政府表示,現時香港已有接近九成電視收視戶轉了觀看數碼制式電視,全港只有 18 萬戶收看模擬電視廣播,當中政府估計 16 萬戶為弱勢人士,政府將會會透過現時綜緩及關愛基金等方法,以補助他們換購新的數碼電視。
 

香港 600 / 700 頻段安排十分浪費

今次政府從關閉模擬電視廣播得出的頻普,根據 3GPP 的劃分,再分為 617-698 (Band 71) 及 703 - 803 (Band 28) 兩組頻段。兩者都是新興的頻段。617-698 (Band 71) 是美國 T-Mobile 指明會做全美覆蓋的 5G 網絡頻段之一;而 703 - 803 (Band 28) 是台灣早已行了幾年的 4G 頻段,採用網絡商包括亞太電信、台灣大哥大及遠傳電信。

嚴格來說,這兩個都是主流以外,現時及未來也有手機及基站設備支援頻段(留意嘅係 T-Mobile USA 採用非華為設備,香港只有數碼通暫時未有,華為基站有否支援 Band 71 版主不知道了) 。當局稱會留兩者合共提供 160MHz  作流動電訊服務(即係最後未必有咁多),可以提供 4G 及 5G 服務,若以現時世界上設備來看 Band 71 會是用作 5G 發展,而 Band 28 會推出時已立即可以用到 4G 亦可升級至 5G。

不過,政府亦有講,因為要跟中國大陸作協調 (跟中國大陸未取消模擬電視服務有關) ,香港撥出的 160MHz 的頻寬,大部份只會作室內覆蓋。大部份又有幾大呢?

617-698 (Band 71) 共 60MHz = 全數室內使用,即是說,這用來作 5G 頻段也只可在室內使用。
703-803 (Band 28) 共100MHz = 當中 80MHz 也只作室內使用;只有 20MHz 作戶外使用。

 


室內覆蓋?

什麼是室內覆蓋?政府係咁講:「政府擬於 600 / 700 兆赫頻段內騰出160 兆赫頻譜,以提升室內流動電訊服務的熱點和網絡容量,紓緩港鐵車站等處服務需求。」講到港鐵其實係唔對天嘅地方,港鐵地下路段、商場等。這個安排跟台灣三個網商及美國 T-Mobile,有好大分別。唔知大家有無去過台灣用台灣大哥大嘅上網卡,人哋就最近大作推廣 700 頻段,極速打好全台灣地面覆蓋。即係點?

模擬電視廣播中止!600 / 700 低頻 4G 5G 只用在室內,安排差

模擬電視廣播中止!600 / 700 低頻 4G 5G 只用在室內,安排差


模擬電視廣播中止!600 / 700 低頻 4G 5G 只用在室內,安排差
▲ 由台灣大哥大制作的三張圖已講晒本來 700 頻段優勢,可惜香港嘅安排,局限係唔對天嘅地方,上述好處跟本做唔到。
 


最好頻段,最浪費使用

政府現行對由關閉模擬電視得出來的電訊頻普頻段的安排,令本來 600 / 700 頻段是具有信號覆蓋廣、穿透力強等特性,適合大範圍網絡覆蓋,亦有較遠射程及有助大家係屋企 (大眾嘅室內) 都收得爆嘅特色,大大減低!

上文提及的 Band 71 本來就係供 5G 使用,但只規限於室內、港鐵等地點,即係當中有 60MHz 頻寬都幫不到「5G 結界嘅用家」(按此知道什麼是香港 5G 結界)。與此同時,Band 28 由於可以好快作為 4G,更有助改善港鐵嘅覆蓋 (但首先是港鐵肯合作,在舊站開更多 TimeSlot 給網絡商起新基站,網站商又肯投資更多在港鐵,大家眼見兩方面都唔係好積極),而 Band 28 事實上當中都有 80MHz 也只能做室內覆蓋,也是結界未問。


而 Band 28 中,無錯當中有 20MHz 可用作室外地方,以香港四大網絡商,假設每間都要一份,即每個台只分到 5MHz,於 4G 與 5G 網絡上,都唔會起到好大作用,叫收得到,上到網,速度可能如今天的 3G 網絡所差無幾?網絡商又會肯作咁樣嘅投資?用在 5G 結界之地,更是只能讓當區香港市民,收到 5G,但用唔到當中嘅高速,把鬼咩?

若 600 / 700 頻段只用作室內 5G,大家未來只能透過中頻,包括建網初用嘅 3500 頻段比較容易收到 5G,一如早前 3 香港的實地測試 (Click 入當日報導),3500 頻段嘅發射站,於 200 米之後,上網速度只係好過 1800 頻段少少。現時香港策劃的 5G 網絡,要係大眾嘅室內收到好過 4G 速度嘅 5G網絡,網絡商要建立比現時更多發射站 (多一倍) 先解決得到!網絡商係香港呢個環境下,有無咁簡單就做到?版主話你知,好難囉!本來 600 / 700 頻段可以補足當中的問題,但現在已沒有法子了。


 
多謝支持 ePrice.HK
發表於 2019-02-11 18:19
2 樓
自私,淨係識諗自己有咩得益。

​其實寫呢篇文章之前作者有冇用腦思考過?夾硬用700MHz做流動網絡同鄰近地區互相干擾,點樣用?唔通要國內廣東省幾千萬人口,因為你香港800萬人口要上網穩定啲,一齊停止模擬電視服務?你可以咁幸福有錢買高清睇數碼電視,又有冇諗過廣東省仲有好多非城市嘅地方,有好多人(特別長者,收入低嘅農村/郊區居住嘅人)仲依靠模擬電視作為主要娛樂之一?

EDIT:別字 (搵定->穩定)
發表於 2019-02-11 18:41
3 樓
有好多人(特別長者,收入低嘅農村/郊區居住嘅人)仲依靠模擬電視作為主要娛樂之一? 數據?
多謝支持 ePrice.HK