匯豐 Reward + 增轉錢功能！教你零成本即袋 300 Asia miles

Keith Yim 2019-04-02 12:07 | 網絡消息

相信唔少網友都有用 HSBC 信用卡，佢這上年一月已透過手機 App 「Reward+」用來作信用卡碌卡積分禮品平台。「Reward+」積分「獎賞錢」可以用來找卡數或者抵償個別消費額。今日佢地推出，好似手機儲值卡嘅「射錢」功能，叫做「分享獎賞錢」，最重要係有著數，你射俾我，我射畀你，零成本即賺 300 Asia Miles！

信用卡碌卡積分可轉畀人

HSBC 宣佈係佢地嘅信用卡優惠手機平台「Reward+」加入信用卡碌卡積分「獎賞錢」分享功能，即係你碌卡嘅積分，可以 Share 畀人。

功能點玩，只要你係 HSBC 信用卡客戶，係 iPhone 或者 Android 手機，Download HSBC 及 Rewards+ App 就可以。係「Reward+」首頁就係見到有「分享獎賞錢」。「分享獎賞錢」嘅概念好簡單，就係將碌卡積分同朋友 Share。你跟朋友、家人跟關係，係咪去到咁好，版主就唔理咁多，但可以肯定，有優惠就要用爆佢啦。

教你零成本賺 300 Asia Miles

001：即日起，係「Reward+」使用「分享獎賞錢」達三次或以上，即係同朋友 Share 3 次錢，你就可以得到 30 分獎賞錢。

002：問下你朋友，有無用 HSBC 信用卡，有無碌過卡 （有碌過卡先有積分，無分點同你玩互射錢呢）有嘅話，叫佢用立即 Download 「Reward+」仲要 make sure 佢係銀行手機號碼係啱嘅。

002: 要 Share 「獎賞錢」，輸入你朋友嘅電話號碼就得。

003：Share 幾多先得，$1 無錯係 $1。即係你分享三分獎賞錢就完成任務！

004：若果你朋友有多過 $1「獎賞錢」, 佢又可以 Share 返畀你，咁樣大家無損失，即賺 30 「獎賞錢」。

005：HSBC 信用卡，每 1 分「獎賞錢」，可以換 10 分 Asia Miles，你有 30 分「獎賞錢」，即係 300 Asia Miles 袋袋平安，零成本。