衛訊網店終於似返啲樣!大改版、多嘢賣咗,將推更多優惠

2020-09-29 18:11
一個武漢肺炎,搞到百業蕭條,零售業相信係其中一個最受影響嘅行業。版主識得不少豐澤、衛訊嘅朋友,都話生意差咗唔少。而誠哥就好醒,一早就玩網店,乜手機都可以喺網店買到,兼且仲可以 check 到,邊間門市仲有貨。衛訊雖然開咗網店,但就調轉好多手機無得買,得比較重點果幾部,咁又真係爭啲嘅。終於,最近留意到衛訊成個網站改咗版,而且多咗好多手機買得到,雖然遲咗啲,不過好過乜都無嘅。

衛訊網店終於似返啲樣!大改版、多嘢賣咗,將推更多優惠

最近留意開衛訊官網,發現成個版面都唔同咗,成個設計變得以網店為主導,同時亦留意到多咗唔少手機選擇。不過,目前睇都仲未係所有手機都有得賣,留意智能手機頁面「篩選-品牌」部分,目前只有 Samsung、OPPO、Nokia、Sony 的選擇,居然連華為都無,實在罪大惡極! 衛訊網店終於似返啲樣!大改版、多嘢賣咗,將推更多優惠

衛訊網店終於似返啲樣!大改版、多嘢賣咗,將推更多優惠

不過據了解,暫時未有齊咁多手機,係因為有啲舊款手機尚未放返上去,主力放咗新機先,遲下就會愈來愈多,愈來愈齊。而除咗手機之外,衛訊網店仲會有唔同類型嘅產品賣,就算係門市好少見到嘅電腦產品,網店都會有,大家唔使出街都可以慢慢揀,都係一件好事嘅。

版主都問過,衛訊遲啲都會搞多啲網店嘅優惠,吸引更多網友用優惠價錢消費。嗱,老老實實版主平時寫咁多優惠,衛訊有優惠係好,但要睇下佢哋肯唔肯做得好,若果好似豐澤網店咁,搞搞下星期五 Outlet 愈搞愈無料到,咁就乜優惠都 WFC。你話係唔係先?
 
發表於 2020-09-30 10:06
2 樓
good, 有時啲舊旗艦都會做下特價, 有個網CHECK好好多 以前果個廢到唔想提
發表於 2020-09-30 12:21
3 樓

啱呀,所以之前疫情成日 Work from Home,我要 check 大舖價淨係可以 check 豐澤,衛訊果個無嘢畀我參考 衛訊網店終於似返啲樣!大改版、多嘢賣咗,將推更多優惠
您可能也喜歡▼