一年後全部要實名!香港政府強推電話 SIM 卡實名制

左定坤 (Cho Ting Kwan) 2021-01-29 15:22 | 網絡消息
就在剛剛,政府就宣佈就電話智能卡實名登記制度公眾諮詢,舉行咗發佈會。SIM 卡實名登記制度,政府一定做架啦!我哋一齊睇下,SIM 卡行咗實名制,我哋揀 Prepaid SIM 嗰陣,會係點?

FB.jpg

政府用乜理據去推實名制,你知架啦,咪又係嗰啲,我哋開港豬 Mode,咁要實名,我用唔到平平嘅  SoSIM,仲有無年卡賣先! 先講講,政府 SIM 卡實名制,係攪乜鬼。

001: 限制每個用戶最多只可向每個供應商登記 3 張儲值卡。
002: 淨係香港啟用嘅卡先受規管,外國儲值卡不受規管。
003: 即日起會進行一個月公眾諮詢,建議在法例生效後第 121 日起 (四個月後),新出售嘅儲值卡要進行實名登記,而如果現有已經賣出嘅儲值卡,全部都會喺法例生效後第 361 日 (一年後) 停止服務。
004: 16 歲以下人士登記時需家長、監護人確認。


老老實實,呢四個重點,點樣實名,無人知。你覺得可以反對?公眾諮詢係問你點樣實行咋!想起以後買張 SIM 卡都要俾身份證 SIM 檔、7-11 店員,有乜私隱可言。唔俾佢哋賣,上網無得賣,即係電訊商自己玩晒,你仲有幾十蚊,三年用年卡,可能都幾難!初步睇,大家贊唔贊成為左國安,要大家儲值卡都要實名呢?齊齊投票吧!

 

最新新聞