版主訪問其中一個相熟嘅 SIM 檔賣家，佢認為政府今次呢個舉動，扼殺行內人士生存空間，從而影響到自由貿易及旅遊人士，認為係政府辦事不力導致嘅問題要市民埋單，勞民傷財，從各方面削弱香港競爭力。而整個諮詢過程都係假諮詢，根本係「知會」業內人士，冇得 say no，從來對香港政府無希望。
至於針對儲值卡實名登記制度，業內人士有啲乜嘢意見呢？意見有六點：
1.影響重大，不宜太急促推行，至少要給予較長的緩衝期。4個月時間明顯不足夠讓業界適應及準備。
2.由於是在諮詢階段，未有清楚細節可供參考。從目前資料看來，單單是要求電訊持牌人須於 120 日內建立用戶登記系統及數據庫已經是不太可能的事，成本之外、執行上亦會有困難。
3.第二階段生效後，所有未登記儲值卡即時失效。會否引起混亂、誤會及不必要的爭拗？亦有可能引致一些人士的不便？（例如長者、外勞）。
4.刑罰似乎過重。
5.希望政府能夠深思熟慮，應給予充分時間業界適應或轉業，方才是利民政策。
6.建議每名用戶在每家電訊登記上限為 5 張電話卡。
# 版主另有向其他 SIM 舖了解他們看法，不過暫時未獲回覆，一有 update 版主再在文章中補充。