【教學】八月一領消費券!八達通用家必睇!記得記得要用 App

2021-08-01 02:38
8 月 1 日,終於可以收到政府消費劵嘅第一期 $2000 金額 (如果準時你申請咗),而基本上而家要諗嘅問題,唔再係用乜嘢電子支付工具去拎,因為已經決定咗無得改變,而係到底當你拎到 $2000 消費劵,到底有乜嘢係一定要即刻做,同埋點樣去用。而如果你登記咗用八達通收消費券,我就叫你 Download 定八達通 App,點解?睇下文啦!


▲ 聲音解說

【教學】八月一領消費券!八達通用家必睇!記得記得要用 App-0
 

消費劵 @ 八達通係要開通架

早前係 Clubhouse 開房傾消費劵嘅事,我哋做咗小小統計,原來真係最多人登記咗消費劵放係八達通裡面。但唔好以為八月一日起身,衝落街就可以用到消費劵,因為.....

八。達。通。嘅。消。費。劵。係。要。啟。動。架。
 

方法好簡單有幾個

001:用放係港鐵站嘅「領取交通補貼」機啟動
002:係個別商場嘅八達通服務站啟動
003:惠康系嘅超市:惠康、3Sixty、MarketPlace、MarketPlace by Jason
004:7-11 及 OK 便利店
005:係八達通 App 完成

【教學】八月一領消費券!八達通用家必睇!記得記得要用 App-1
 

要用埋八達通 App

上述嘅啟動方法,其實以用八達通 App 方法啟動最方便,只要用你部支援 NFC 技術嘅 Android 手機,或支援 iOS13 之後嘅 iPhone,都可以係達通 App 裡面開啟啟動消費劵選項,只要將八達通卡放係手機 NFC 位置,就完成啟動。

你可能會話,老人家,好難用手機八達通 App 架喎。其實,八達通 App 是可以掛上幾張八達通卡,家人可以用呢個啟動其他家成成員嘅八達通消費劵。此外,係 App 上面你仲可以查到用左幾多金額,幾時可以再攞埋嗰三千蚊蝕額。最重要嘅係,廣告上咪成日講,八達通消費劵,咪最多有 $110 回贈嘅,除咗首 $18 蚊,你可以係「領取交通補貼」領取,之後嗰一百蚊回贈都要用嗰 App。與此同時,App 裡面都有好多優惠劵。

【教學】八月一領消費券!八達通用家必睇!記得記得要用 App-2
▲ 八達通 App 已有消費劵 session,裡面除咗可以查番消費劵使用量,仲有 Coupon 俾你下載。另外,一個八達通 App 可以紀錄幾張八達通卡資料,變相你可以幫家人啟動消費劵。

簡單嚟講,若果用八達通使用消費劵,用埋八達通 App 先至最著數
若果用八達通使用消費劵,用埋八達通 App 先至最著數
若果用八達通使用消費劵,用埋八達通 App 先至最著數...


重要嘅,要講三次呀

按呢度: $5000 電子消費劵攻略
多謝支持 ePrice.HK
您可能也喜歡▼