支持小店!推介兩大小店網上市場,用八達通都買到嘢

2021-08-01 20:57
一直有話,五千蚊消費券要用支付工具先用到,好多小店都無安裝收款工具,幫助唔到小店生意。其實又唔係嘅,係預備消費券呢個 Topic 嗰陣,我哋有幸識到香港兩大有推出五千蚊消費劵推廣嘅市集網站。佢哋裡面大部份由本地小店組成,而呢兩個市集網站,都幫到小店使用五千蚊消費券。想知清況點樣用,立即 Click 入睇睇。

支持小店!推介兩大小店網上市場,用八達通都買到嘢-0


▲ 聲音解說
 

掌舖 boutir 消費券市集

掌舖 boutir 是一個供小店加盟嘅網上支援及購物平台。本身是協助小店可以有一個網上地方賣佢哋嘅貨品。而因為政府派五千蚊消費券,佢哋升級讓加盟商戶,可以利用四大支付平台收費。即係話,大家可以係加盟咗「掌舖 boutir」嘅商店買嘢,用消費券消費。佢哋仲因為咁,特別做左一個五千蚊消費券嘅專題網站,方便大家 Shopping。我哋睇過,「掌舖 boutir」推介咗唔少本地小店貨品。

支持小店!推介兩大小店網上市場,用八達通都買到嘢-1
▲ 掌舖 boutir 嘅消費劵專頁,喺裡面可以揀到不少支援消費劵嘅小商店。
 

Price.com.hk 支援八達通

另一個有好多本地小店嘅電子消費平台,大家都會知道「Price.com.hk」。除咗格價,佢哋都有唔少加盟店,透過佢哋平台賣貨。即日起 Price.com.hk 網購平台,支援三個五千蚊消費劵平台,包括八達通﹑AlipayHK 同埋 WeChat Pay,但不支援 TapNGo。據知,Price.com.hk 唔單止有電子產品,原來加陣連服務 Package 好似美容套票都可以係 Price 網購裡面買到。因為支援三大銀包,都用到消費劵嘅五千蚊消費啦。

支持小店!推介兩大小店網上市場,用八達通都買到嘢-2
▲ Price 網購都係小店集中地,用到其中三款電子消費劵銀包消費架
 

八達通上網買到嘢

今次揀呢兩個平台介紹,除了因為我哋係 Clubhouse 開房講消費劵題目,結識得到負責人,也知道原來小店也可以用八達通實體卡,係網上消費。講番,你要用八達通實體卡,係網上買嘢,唔係無可能。但除了你要揀啱平台,亦要知道一定要裝八達通 App 及有一部支援 NFC 嘅 Android 手機及 iPhone 7 或更後版本嘅 iPhone 就可以用到。

關於 掌舖 boutir 及 Price.com.hk 點樣係佢哋平台接受 $5000 消費券,大家記得收聽文章前部份嘅 Podcast 錄音,負責人即場解釋點樣用,大家睇完文,記得聽番 Podcast。

按呢度: $5000 電子消費劵攻略
多謝支持 ePrice.HK
您可能也喜歡▼