【附下載連結】車公靈籤自己求   Android、iPhone 版免費下載

虎仔 / 馬日山 2019-02-07 09:52 | Apps

每年年初二都會有善信去車公廟求籤，不過好多冇親身前往嘅香港人，今年再次變成貨真價實嘅「慘豬豬」，因為我哋再次「被代表」求籤。鄉議局主席為香港求籤，結果得到中籤 86 籤『石田為業喜非常，畫餅將來未見香；怎曉田耕耘不得，那知餅食不充腸。』。籤文點解釋各人有不同理解，版主虎仔就只係見到「常得香腸」四個字。



認為鄉議局主席唔代表我，想知道車公點樣指示自己新一年嘅命運，其實唔一定要去到車公廟，自己用手機都可以試試。Google Play 商店同 iTunes App Store 都有「車公靈籤」手機 App，只要搖一搖手機或者按一下屏幕的籤筒，就可以求得車公靈籤，而且仲有埋籤文的解釋同分享功能。至於用手機求籤靈唔靈，其實喺邊度求籤都係「心誠則靈」。

車公靈籤

下載：Android / iOS
售價：免費