評測! 廣東話玩 Google Assistant ! 四字粗口都認得到 ! 仲有詳細解釋!

2018-10-25 10:32
成日話香港科技好先進,不過智能助理 Google Assistant 就例外,環顧亞洲地區,日本、韓國、印尼、新加坡一早已經支持,而台灣早前亦配合 Google Pixel 3 手機發表而開通。至於香港呢? ePrice 版主測試過,原來 Google Assistant 一早識聽廣東話,仲聽得好鬼準,連廣東話最出名的問侯娘親的粗口,都認得到,同寫得到!

評測!  廣東話玩 Google Assistant  ! 四字粗口都認得到 !  仲有詳細解釋!
 


Google Assistant 開通台灣版,其實識聽廣東話

隨著 Google Assistant  谷歌助理喺台灣開通,台灣網友已經可以普通話(根據 ePrice  台灣版主使用體驗  Google 的國語發音偏向中國大陸版本的普通話)Google Assistant。原來 Google 暗地裡把廣東話都加入係裡面,所以台灣版嘅 Google Assistant 都係識得聽廣東話㗎  (有趣嘅係,Google Assistant 是不懂台語嘅),而用佢來 Search,揾交通資料,換地方資料,全部都會出番香港結果,只係若果你要同佢對話,佢會用偏向中國大陸版本嘅普通話答番你。

除了用來  Search 版主 Keith 實際測試過,例如要拍照的話,毋須講「啟動相機」咁娘,只要用廣東話講聲「幫我影張相」,Google Assistant 就會打開用戶指定相機 App,用戶亦可以講「導航去灣仔」,系統就會自動打開地圖再設定導航路線。

除咗聽得明指令,版主 Keith 亦嘗試進行網絡搜尋,佢用廣東話口語講「點樣 沖 Cappuccino 先好飲?」,Google Assistant 已經能夠理解港式廣東話詞彙同句式,甚至香港人中英夾雜嘅語言習慣,亦聽得到, 而且搜尋結果亦係香港網站行先,例如蘋果日報、Yahoo 知識香港版、經濟日報等香港本地內容,十分地道。
 


識聽識寫廣東話粗口

版主 Keith 甚至測試過粗口「X你老母」,Google Assistant 都一樣識得聽,不過如果指明「我X你老母」的話,Google Assistant 就嬲嬲唔會理睬,唔通 Google Assistant 真係有阿媽生嘅?


▲ 測試 Google Assistant  台灣中文版聽港式廣東話嘅情況。
 

教你點樣用中文版 Google Assistant

究竟點樣先可以用廣東話同 Google Assistant 溝通呢?Google 官方答案係無法做到,因為現時並不支援廣東話。實際上係有秘技嘅!

001:首先,你部  Android 手機係 7.0 或以上,當然若果你用緊中國大陸版,要加齊 Google 服務啦!

002:係 Google Play Store 把  Google 呢個   App  更新至最新版本。

003: 將手機系統語言偏好設定為 1「繁體中文 (台灣)」2「繁體中文 (香港)」,就可以用到台灣版 Google Assistant,而用戶對呢位「台妹」講廣東話,佢一樣聽得明兼有反應。但注意嘅係,繁體中文 (台灣) 目錄,說明等用字,會無咁香港化,但 Google 服務就因為會認到你係香港,而用得到嘅。

評測!  廣東話玩 Google Assistant  ! 四字粗口都認得到 !  仲有詳細解釋!
 

最後送上 。。。。。



▲  對住 Google 講 X 你老母,會有乜後果?原來  Google 好學術架!