免費 Resilio Sync 私人雲:無廣告不限量、任你備份!

2019-04-14 13:49
作為一名前多媒體影視從業員,本 YK 手機、平板插住幾百 GB 記憶卡、身上隨時帶住幾條 SSD、屋企插左幾十 TB 硬碟,都係好平常的事。 畢竟手機變成相機、平板變成戲院的年代,各種珍藏隨身攜帶完全無難度。相信唔少網友都會有好多相片、影片要備份,但市面上免費 Cloud 又唔夠大,夠大又要比錢,或者壓縮畫質變差。今日率先介紹 Resilio Sync 比大家用,無廣告、不限量,你中意 BackUp 乜就乜。爽~

免費 Resilio Sync 私人雲:無廣告不限量、任你備份!

Resilio Sync 其實係無意中發現的一個應用程式, 原本想搵一個「大容免費、簡單無腦」的備份方案比家中長老用,結果搵出呢件正野(其實以前叫做 BitTorrent Sync,又無宜家咁方便好用)。Resilio Sync 係全平台通用,你手機平板用 Android、iOS、Windows、Linux 都有原裝應用程式比你下載。 如果你本身有用開 NAS,官網都有嗮教學支持各個品牌的產品。官方網站請進入這裡


下載私人雲
簡單講解運作原理,首先,需要已有一個可上網的裝置作為備份空間,例如本 YK 已有一部無用的舊電腦,裡面有 1TB 硬碟空間。 你可以用任何系統裝置作為備份空間,只要呢個裝置安裝左 Resilio Sync,就會自動化身成為私人雲。 例如 1TB 的電腦,裡面有 800GB 可用空間,你就擁有 800GB 私人雲端空間:「你的硬碟有幾大,世界就有幾大」! 

好似本 YK 咁,屋企有兩部長期少用的電腦,裡面一共有 8TB 的空間,這樣我就擁有 8TB 的私人雲,爽! 而且你的資料不經過第三方空間,全部都係裝置之間同步備份,少了一層珍藏外洩的憂慮。

免費 Resilio Sync 私人雲:無廣告不限量、任你備份!
▲ 官網寫住個個 Plan 都要錢? 其實都係做生意一種手法,你直接去下載頁面就可以;免費版本當然有限制,但基本功能已經很足夠。

免費 Resilio Sync 私人雲:無廣告不限量、任你備份!
▲ 直接 Click Free Download 就可以了;然後跟住指示按下一步,就完成簡單的安裝。

免費 Resilio Sync 私人雲:無廣告不限量、任你備份!
▲ 安裝後軟件提醒你要幫呢個裝置改一個名,呢個名係為之後裝置之間識別之用,所以唔好改壞名;另外提醒大家,Resilio Sync 免費版 Sync Home 限制個人用途,免費比大家用。

免費 Resilio Sync 私人雲:無廣告不限量、任你備份!
▲ 升級做高級版有上述增強功能,睇你有無需要。


手機 / 平板備份端
安裝好電腦端的備份空間後,就搞手機了。走去 STORE 下載 Resilio Sync 軟件,跟住指示做 Click 幾下就搞掂! 提醒大家,跟住的步驟最好打開 WiFi 黎玩,因為如果你設定不當,自動用流動數據黎備份就拜拜。

免費 Resilio Sync 私人雲:無廣告不限量、任你備份!
▲ 免費又無廣告、簡直係 APP 界清泉。

免費 Resilio Sync 私人雲:無廣告不限量、任你備份!
▲ 安裝好之後你應該見到一片空白,圖中兩個資料夾係本 YK 後加上去,做左備份設定。

免費 Resilio Sync 私人雲:無廣告不限量、任你備份!
▲ 你要 Click 右下角的加號(被 ePriceHK 水印擋住~),可以選擇「新增備份」。

免費 Resilio Sync 私人雲:無廣告不限量、任你備份!
▲ 然後就選擇要備份的資料夾;通常都會自訂,支持備份外置記憶卡,姐係手機 256GB 記憶卡的資料都可以全部上私人雲! 

免費 Resilio Sync 私人雲:無廣告不限量、任你備份!
▲ 選擇好要備份的資料夾後,將呢個資料夾的 LINK 分享比自己;用電腦端的軟件打開 LINK,打開完就會自動同步資料。

免費 Resilio Sync 私人雲:無廣告不限量、任你備份!
▲ 當你有一天唔需要備份資料夾,哪怕你取消中斷左,已經同步的資料都係會留係原地。

免費 Resilio Sync 私人雲:無廣告不限量、任你備份!
▲ 提醒一下,平時出街唔用的時候最好手動關閉 Resilio Sync,翻到屋企連上 WiFi 先打開個 App 自動備份。


特殊功能
如果你有好多珍藏想 Share 比一大班真朋友,但條條片都係幾 GB 咁大,如果玩坊間的雲端服務,上上落落過資料真係玩死人。用 Resilio Sync 就簡單得多,因為佢用 P2P 技術作為裝置之間資料傳輸,你直接指定珍藏資料夾,生成一條 LINK 比佢地,然後真朋友們用 Resilio Sync 就直接從你電腦同步下載資料夾內全部珍藏!

免費 Resilio Sync 私人雲:無廣告不限量、任你備份!
▲ 如果你珍藏在手機,CLICK 建立資料夾就搞掂,直接同真朋友分享~

朋友如果有新發現想 SHARE 比你? 咁仲簡單,直接拖落去珍藏資料夾,你呢邊都立刻同步收到! 做朋友就應該好似咁樣肝膽相照先岩~


使用後記
本 YK 以前推薦人用 Google Photo 的無限免費空間為相片、影片做備份,可惜備份出來的都是經過壓縮處理。 Resilio Sync 就解決了這個問題,我幾十 TB 的相片哪怕做轉移備份,也是 Click 就搞掂,剩下的功夫就軟件自己搞掂。 傳輸速度也是非常快,我用一條 100Mb 的上網線為 80GB 的相片做備份,平均速度保持 10 - 12MB/s 之間,效率相當高。 

如果你跟本 YK 一樣喜歡用手機拍攝,可以參考我的方案:Google photo 壓縮備份作為日常瀏覽用,原圖備份就採用 Resilio Sync。 因為 Google Photo 相片刪除後會全裝置刪除,但 Resilio Sync 你在手機刪除了,電腦裡面還是會保留,達到雙重保險的效果。

題外話,其實仲有另一個比較出名的軟件 SYNCTHING,功能類似 Resilio Sync,一樣免費而且開源,網友們有興趣都可以試玩下。