夏日必備良品!thecoopidea Freezy 便攜充電池套裝,型靚正仲送風扇仔!

左定坤 (Cho Ting Kwan) 2017-07-22 14:15 | 手機配件
有時諗返起,其實智能手機有得換電,真係可以好方便,出街帶多舊電就得,唔使好似而家咁,成日都逼住要帶多個尿袋,有時真係幾麻煩。不過,尿袋在某些情況下,都幾好使好用,就好似夏天咁,日日氣溫 30 幾度,出街將個 USB 風扇仔插落尿袋上,熱起上黎都可以有少少風涼下,好過無咁。最近 thecoopidea 就推出左一個夏季限定的 Freezy 便攜充電池套裝,有埋風扇仔送,而且又幾靚咁,網友會考慮買來用嗎?

尿袋(Facebook).jpg

thecoopidea Freezy 便攜充電池套裝,包括 thecoopidea Journey SLIM 5000 MFI 便攜充電池、蘋果認證的 Lightning 傳輸線,再加送一支 USB 竹蜻蜓小風扇,讓你在炎炎夏日中,可以一邊幫手機充電,一邊吹風扇,確係幾不錯。更重要是,呢個充電池外型相當美觀,有雲石白、雲石黑以及海王星三款顏色,厚度只有 8mm,而重量則只有 131g,並且具備 5000mAh 電池容量以及兩個 USB 輸出口,最大輸出可達 5V / 2.4A,可以同時為智能手機或平板電腦充電。另外,充電池輸入則為 5V / 2A,只需 2 個多小時就能把充電池充滿。

至於價錢方面,thecoopidea Freezy 便攜充電池套裝建議零售價為 $299,即日起於 city super 以及 LOG-ON 獨家發售。

FREEZY02.jpg
 

最新新聞