場內貨多清唔晒?!Samsung Galaxy Note 3 五千唔使有交易!

2014-02-20 19:00
之前同大家比對過 Samsung Galaxy Note 3 同埋 LG 發佈的 G Pro 2 ,要講大芒機我諗年初大家都主要都係講呢兩款。係 LG G Pro 2 登陸之前,大家又會唔會係呢個時侯買 Samsung Galxay Note 3 LTE 呢?版主行過先達,見到場內唔少鋪都割價賣機,二手機、大鋪劏出來的「全新機」亦有唔少,貨量真係多到賣唔完?而家一手行貨唔使 $5,000 又抵唔抵?網友入黎分享一下意見啦!

場內貨多清唔晒?!Samsung Galaxy Note 3 五千唔使有交易!-0
▲最平水貨 Samsung Galaxy Note 3 賣四千頭,只係貴過同級韓水少少!
 

Samsung Galaxy Note 3 LTE 細鋪不斷跌價!場內大把「全新機」!

Samsung Galaxy Note 3 係上個月先初步小減 $300,係同時期機款入面減得比較遲既一步,不過先達場內唔跟官價賣是常識,亦係過去幾個星期不斷跌價。最近 Galaxy Note 3 LTE場內一手「行貨」價終於跌到 $5,000 樓下,4G LTE 版 場內賣 $4,800 ~ $4,900 不等,比起官價平接近 $900 。如果唔介意買水貨既話 , 3G 版 Samsung Galaxy Note 3 場內最平 $4,000 ,4G LTE 版大概價位在 $4,300 ~ $4,500 左右,順帶一提,這個價錢可以買到 32GB版本的韓國水貨,反正都沒有保養,大家會唔會考慮?

如果擔心大鋪的沒有保養,其實都有些有單的「全新機」在先達放售,版主睇過價錢由 $4,400 到 $5,000 不等,跟大鋪的價錢差不多,當然保養期係跟單所以會唔夠一年啦。除左黑、白兩種顏色之外,金色、粉紅色都有唔少,二手(甚至係三手)既數量更加唔使多講吧。雖然版主係街度都見唔少人用 Samsung Galaxy Note 3 ,但相對於上年 Note II 真係少好多,或者價錢都反映到供求吧。網友又點睇呢?

場內貨多清唔晒?!Samsung Galaxy Note 3 五千唔使有交易!-1
▲無論既細鋪的「行貨」還是連盒的「全新貨」價錢都唔過$5,000 ,比起大鋪買隨時平 $1,000 ,版主睇過都幾多鋪做緊優惠,這有反映到銷情嗎?

在文章刊出的時侯, Samsung Galaxy Note 3 定價 $5,698 ,按此看詳細規格和最新賣價。
在文章刊出的時侯, Samsung Galaxy Note 3 LTE 定價 $5,898 ,按此看詳細規格和最新賣價。