開賣實況! HTC One M8 唔夠貨 vs 三星 Galaxy S5 細鋪玩減價

2014-04-11 17:55
今日 (11/4) 是世紀手機大戰。Samsung GALAXY S5 舖天蓋地開賣,報紙廣告滿溢,旺角先達旁百老匯,亦有巨型廣告。HTC One (M8) 相對低調,靜靜雞係 Facebook 專頁公佈開售。門市裡,機迷的反應如何?及 M8 與 S5,貨源又夠唔夠?  版主 Eddie 今日行場睇過。


開賣實況!  HTC One M8 唔夠貨 vs 三星 Galaxy S5 細鋪玩減價-0
▲ HTC One (M8) 和 Samsung Galaxy S5 邊部會跑出,最受機迷歡迎
 

HTC One (M8) 唔夠貨 vs Samsung Galaxy S5 要買就有

上年 HTC One 唔單只要等到 5 月先賣,而且貨源相當唔夠令大家需要預訂,我諗大家都記憶猶新,今年雖然準時推出,但一樣面對唔夠貨的情況。事實上早兩日版主收到消息:「 HTC One (M8) 今次的貨量不算多,開賣首天每間大鋪大約只有 10 ~ 20 部貨源,反而 Samsung Galaxy S5 貨源相當充足,一間鋪會有接近 200 部的存貨,不過預訂反應兩邊差不多,有機會出現 HTC One (M8) 唔夠貨的情況。」今日版主為了驗證傳聞,就和朋友去唔同區 Walk-in 問一問。 
 
今日問過荃灣、葵芳、旺角幾區,可能今年的旗艦手機定價到 $6,000 實在超出大家預算了,兩部旗艦都不難找到有現貨,當中試過有兩間大鋪說暫時沒有銀灰色的 HTC One (M8) ,要從另一區調貨過來,其實也不算缺貨啊!
至於 Galaxy S5 貨源麻,版主無法去驗證係咪「大把貨」(畢竟不可能看到貨量),不過就有信心同大家講無論上台、買淨機,問親間間都有,也沒有特別的贈品,最多只係例如平 $200 ($1498 買 Gear Fit) ,或加多 $199 換原廠電池套裝,S View Cover 也不贈品, 也許可以參考版主 Keith 做過的上台格價再去決定?,因為大部份網絡商,只要揀 5GB 用量以上,都有 S View Cover 送啦。

開賣實況!  HTC One M8 唔夠貨 vs 三星 Galaxy S5 細鋪玩減價-1
▲今日版主惡作劇的用國語問店員:「有沒有 GS5。」店員回答很有趣:「你要什麼顏色,多少台都有!」仲要同版主講入面送 $3,000 服務,其實那三千蚊是 Apps,包括手機任睇 NowTV 足球節目一個月,乜原來大陸睇到 Now 既咩icon?  
 

細鋪價錢: Samsung Galaxy S5 更低!

當然大鋪有貨,細鋪都即刻有新機賣, HTC One (M8) 和 Samsung Galaxy S5 同時上市究竟邊部平呢?版主行過一些細鋪, HTC One (M8) 開賣第一日細鋪賣大約 $5,800 至 $5,900 ;而 Samsung Galaxy S5 就已經大幅跌價到 $5,400 ~ $5,500 ,兩部旗艦手機差價都幾明顯。問到相熟店員點解會有呢個情況,佢暗示過係埋供求問題 (貨多缺需求,減價求售是常識),有無網友可以把實際 GS5 供求情況,跟大家分享一下?

開賣實況!  HTC One M8 唔夠貨 vs 三星 Galaxy S5 細鋪玩減價-3
▲某些細鋪買 Samsung Galaxy S5 都可以用 $199 換原裝的電池套裝,加上 $5,500 機價之後都係平過 HTC One (M8) 場價
 

電訊數碼推買機優惠! HTC One (M8) 平過 GS5!

除了細鋪之外,電訊數碼的買機優惠亦都推出了。需要簽 $80 384kbps 3G限速上網月費,包 1700 分鐘通話,12 個月合約就可以用  $5,198 買 HTC One (M8) 或者用 $5,498 買 Samsung Galxay S5 ,問過店員沒有什麼特別的贈品送,答案係,什麼也沒有。不過 HTC One (M8) 的減幅比起 S5 為多, 反正是同一個合約,是比較划算吧!

兩部旗艦手機終於上市了,在之前的投票中 HTC One (M8) 似乎得到的支持多一點,大家睇過大、細鋪的價錢和銷情之後,有冇改變主意呢?另外有冇網友在今日入手了新機?留言分享一下睇法或者開箱心得都可以架!

開賣實況!  HTC One M8 唔夠貨 vs 三星 Galaxy S5 細鋪玩減價-4 開賣實況!  HTC One M8 唔夠貨 vs 三星 Galaxy S5 細鋪玩減價-5
▲ HTC One (M8) 經電訊數碼上台價錢 $5,198 ; Samsung Galaxy S5 電訊數碼上台價錢貴少少賣 $5,498

在文章發佈的時侯, HTC One (M8) 定價 $5,998 ,按此看詳細規格和最新賣價。
在文章刊登的時侯, Samsung Galaxy S5 定賣價 $,5998 ,按此看詳細規格和最新賣價。
想知道 HTC One (M8) 同埋 Samsung Galaxy S5 上台價邊個比較抵,可以參考這篇文章。
發表於 2014-04-25 18:43
2 樓
暫時未聽到有。