大屏幕大比拼! 5.5 吋 三星 Galaxy A7 vs 5.7 吋 Note 4

2015-02-05 20:14
提起 Samsung 手機相信大部份人都會諗起佢 S 同埋 Note 系列的旗艦機,但 Samsung 的 A 系列用輕薄金屬邊框同支援中港 4G 雙卡做賣點引人注意。係 2015 農曆新年前推出的 Samsung Galaxy A7,採用 5.5 吋 Full HD 大屏幕,但賣價卻是同樣以大芒作賣點 Note 4 平好多! $3698 咋。今次 ePrice 帶來 A7 與 Note 4 比拼,Samsung Fans 你會揀邊部? 

大屏幕大比拼! 5.5 吋 三星 Galaxy A7 vs 5.7 吋 Note 4
 

金屬邊框 + 6.3mm 機身 

Samsung 的 A 系列一向以輕薄外型作為主打,所以大家都可以預期 Galaxy A7 厚度唔會好厚。確實, Galaxy A7 厚度只有 6.3mm 而且重量只有 141g ! 當然,要令到手機可以咁輕薄都會有相應的代價啦,同 Galaxy A3 以及 Galaxy A5 一樣, Galaxy A7 都係用左不可換電設計。另一點比較可惜係 Galaxy A7 上手感無乜金屬感,三星雖然話 Galaxy A7 用上一體成型金屬機身,但背面唔係用金屬質感,同 HTC One M8 真係金屬一體成型型號,手感係有差別。

 

為左令大家體會到 Galaxy A7 大小,今次揀左 Samsung 旗艦級的 Note 4 來同 Galaxy A7 做個比一比。可以睇到雖然 Note 4 的 5.7 吋芒比較大,但 Galaxy A7 的高度其實 Note 4 好接近,原因 Note 4 的上下邊框比較窄。而 Galaxy A7 係用上 5.5 吋芒的情況下,闊度都能夠維持係 76.2mm,雖然就比不上 LG G3 的瘋狂窄邊框(G3 寬度只有 74.6mm),不過勝在厚度只有 6.3mm 。整體來講,以 5.5 吋機種來計,Galaxy A7 仍然係好揸手。

大屏幕大比拼! 5.5 吋 三星 Galaxy A7 vs 5.7 吋 Note 4
▲Galaxy A7 機身大小為 151 x 76.2 x 6.3 mm,重量是 141g。 第一次手握 Galaxy A7 時候,其輕薄感真係令人留下深刻印象。畢竟一般超薄機種好少做到 5.5 吋芒咁巨型,可能因為咁所以輕薄感相對強烈。

大屏幕大比拼! 5.5 吋 三星 Galaxy A7 vs 5.7 吋 Note 4
▲Galaxy A7 背蓋設計則跟 A3 同 A5 一致,不過 A7 鏡頭突出的頗為顯眼。另外可能因為機身輕,邊框也採同樣白色漆嘅關係,真機上手,金屬質感並不明顯。

大屏幕大比拼! 5.5 吋 三星 Galaxy A7 vs 5.7 吋 Note 4
▲音量鍵安排在機身左側。電源鍵和 SIM 卡、記憶卡插槽則在機身右側。

大屏幕大比拼! 5.5 吋 三星 Galaxy A7 vs 5.7 吋 Note 4
▲ Galaxy A7 係香港推出時會支持中港 3G 與 4G,也有雙卡雙待。大家都知道 Galaxy A3 同 Galaxy A5 係用左 Sim 卡以及 Micro SD 卡共用的設計,而 Galaxy A7 都唔例外。 左邊的卡槽 1 是 Nano SIM 專用,但右邊的卡槽 2  係 Nano SIM 卡與 MicroSD 記憶卡共用,即是如果插入第二張 SIM 卡的話,就無法用記憶卡。不過 Galaxy A7 就支援雙 4G 功能,當用家使用 4G SIM 卡時,可以插入任一 SIM 卡槽,當其一 SIM 卡槽選擇為 4G 網路,另一個 SIM 卡槽就會設定為支援 2G GSM 語音 。

大屏幕大比拼! 5.5 吋 三星 Galaxy A7 vs 5.7 吋 Note 4
▲ Note 4 擁有大屏幕再加窄邊框 (右)  Galaxy A7 一樣有 (左) ,所以將兩部機拍埋一齊時候,好似高階機對高階機感覺。

大屏幕大比拼! 5.5 吋 三星 Galaxy A7 vs 5.7 吋 Note 4
▲兩部機係邊框部份都做左俗稱鑽石切割的工藝處理,順帶一提,A7 的前鏡頭像素係比 Note 4 高,有 500 萬像素!

大屏幕大比拼! 5.5 吋 三星 Galaxy A7 vs 5.7 吋 Note 4
▲疊埋一齊睇就知道,A7 真係好薄 (下)!不過鏡頭個火山口設計都相對比較突出。

大屏幕大比拼! 5.5 吋 三星 Galaxy A7 vs 5.7 吋 Note 4
▲係屏幕方面,Galaxy A7 的對比度、飽和度都相當不錯。自從 Galaxy S5 之後,三星的 S-AMOLED 屏幕色準已經有明顯進步,而 Galaxy A7 的屏幕係低角度下亦未見有暗位反白情況。

大屏幕大比拼! 5.5 吋 三星 Galaxy A7 vs 5.7 吋 Note 4
▲再補上一張 Galaxy A7(左)和 Note 4(右)的屏幕細緻度比較。老實講,Full HD 解像度在5.5 吋以下的機種表現仍然不錯,同 Note 4 的 2K 芒相比實在難以睇出分別。
 

Qualcomm S615 + 2GB RAM Galaxy A7 效能測試

Samsung Galaxy A7 用上支援 64Bit 的 Qualcomm S615 雙四核心處理器(1.5 GHz 四核 +1.0 GHz 四核)、2GB RAM 同埋16GB ROM (支援記憶卡)。比起 A3、A5 所採用的 S410 處理器係有明顯優勢的,不過 S615 只算係中檔次的處理器,表現同用上 S800 處理器的手機相比仍然會有一段距離。至於目前有甚麼手機係用緊 S615 處理器呢?除左 Desire 820 之外亦有最近發佈的 Blade S6 ,大家可以用來做個參考。

「題外話:單卡版 Galaxy A7 係採用 Galaxy Alpha 果粒 20nm 製程的 Exynos 5430 (1.8 GHz 四核 +1.3 GHz 四核),其實兩粒 CPU 比較起來,Exynos 5430 係性能上強勁唔少,如果 Samsung 出埋單卡版 Galaxy A7 都唔錯呀。」


大屏幕大比拼! 5.5 吋 三星 Galaxy A7 vs 5.7 吋 Note 4
▲經安兔兔測試,Galaxy A7 成績為 30555,過到 30000,即係性能表現唔差,跑分結果符合高通 S615 的水準,亦比版主 Lawrence 上次所測試,行 Android 5.0 的 ZTE Blade S6 快 (Blade S6 仲要係 Full HD 芒)。

大屏幕大比拼! 5.5 吋 三星 Galaxy A7 vs 5.7 吋 Note 4
▲Basemark ES 2.0 的測試則是 35.96 FPS ,未算出色,但要玩 3D 遊戲理講上都可以應付到。
 

1300 +500 萬像素相機

Galaxy A7  採用 1300 萬像素主相機,拍照介面都進化成近期三星高階機種的風格,雖然 A7 缺少 Note 4 和 S5 才有的即時 HDR 功能,但該有拍照模式都好齊全,包含全景、美肌、連拍、夜景甚至製作 GIF 動畫一應俱全,而實際拍攝時的反應速度與成像表現皆不俗。Galaxy A7 前置相機能夠拍到 500 萬像素相片,不僅是前鏡頭像素比 Note 4 的 370 萬來得高,重點是內建的美肌模式可調整嘅深度,甚至比 Note 4 還高。

大屏幕大比拼! 5.5 吋 三星 Galaxy A7 vs 5.7 吋 Note 4
▲Galaxy A7 的1300 萬像素主相機反應速度與成像表現兩方面都唔錯。

大屏幕大比拼! 5.5 吋 三星 Galaxy A7 vs 5.7 吋 Note 4
▲Galaxy A7 最高可拍攝 1,300 萬像素靜態照片與 Full HD 影片,拍照設定介面同近期高階機種採相同風格,大家應該唔陌生,但係 Note 4 的即時 HDR 功能 Galaxy A7 就無啦。

大屏幕大比拼! 5.5 吋 三星 Galaxy A7 vs 5.7 吋 Note 4
▲Galaxy A7的 500 萬像素前鏡頭相當吸引,唔似等大部分機種只能設定美肌開關,甚至可以微調柔膚、瘦小臉、放大眼睛的程度,每個項目都有八段,仲可以調得非常誇張!(應該幾岩宮雪花用)

大屏幕大比拼! 5.5 吋 三星 Galaxy A7 vs 5.7 吋 Note 4
▲ 自拍的時候仲支援手勢快門,雖然前鏡頭表現係唔錯而且功能又多,但都係有弱點的,就係暗處拍攝的時候效果沒有 Note 4 好(畢竟 Note 4 前鏡頭有 f/1.9 大光圈嘛)。

Galaxy A7 主鏡頭拍照效果

大屏幕大比拼! 5.5 吋 三星 Galaxy A7 vs 5.7 吋 Note 4

大屏幕大比拼! 5.5 吋 三星 Galaxy A7 vs 5.7 吋 Note 4

大屏幕大比拼! 5.5 吋 三星 Galaxy A7 vs 5.7 吋 Note 4

大屏幕大比拼! 5.5 吋 三星 Galaxy A7 vs 5.7 吋 Note 4
▲以上實拍可點擊放大檢視。
 

結語:表現唔差嘅大屏幕手機

睇完呢篇評測,相信大家對 Galaxy A7 的表現都有個大慨了解。老實講佢嘅效能已經有一定水準,相對於旗艦機 Galaxy Note 4 其實就係冇 2K 屏幕同埋更高速既 S805 處理器而已。以三千中價位黎講,買到一部有金屬感既 FHD 手機,都有一定程度的性價比。

不過有留意開手機發展既網友都知道,同樣採用 FHD 屏幕的 Samsung Galaxy Note 3 仍然市場有得賣,要講大屏幕 FHD 手機既話其實亦有愈來愈平價既跡象(主要因為入門級的魅藍 Note 都用到 FHD 了…),要講到 Samsung Galaxy A7 的賣點大概就係金屬機身同埋中港 4G LTE ,然而只有 2600mAh 電池和雙卡是 4G + 2G 的組合真是有點兒令人卻步,網友們又點睇呢?留言講講吧!

在文章發佈的時侯, Samsung Galaxy A7 在香港的定價 $3,698,按此看詳細規格和最新賣價。
發表於 2015-02-14 21:57
2 樓
您可能也喜歡▼