對撼 Note 5! Samsung A9 (2016) 效能+電量版主試

2016-01-20 20:47
剛剛就同大家分享過,係今日 Samsung 發佈會上面,繼 A5 (2016) 同 A7 (2016) 之後,另一部 A 系新機 Galaxy A9 (2016) 都正式登場。呢部 6 吋芒中高階手機雖然未能趕及係今個星期開賣,但以 $3998 呢個定價來看,相信大家都唔會覺得太貴。但唔知係巧合定點,華為 6 吋巨芒旗艦 Mate 8 好大機會撞期推出。兩部巨芒機邊部更抵玩?咁就要睇下版主今次 A9 (2016) 上手試啦!

對撼 Note 5! Samsung A9 (2016) 效能+電量版主試-0


外型同樣具有旗艦質感! Galaxy A9 (2016)最抵讚的地方係⋯⋯

從之前推出的 Galaxy A5 (2016) 、 A7 (2016) 都可以睇到,今年 Samsung 中階 A 系列在外型設計以及質感上有相當大的提升。同樣地 A9 (2016) 都用左前後 2.5D Gorills Glass 第四代玻璃配金屬邊框,而且對於巨芒機而言可謂必備的窄邊框設計亦都有用在 A9(2016) 身上。係外型方面, A9(2016) 同之前的 A5(2016) 、 A7(2016) 其實差不多,反而特別要講嘅係 A9(2016) 佢並無用到被網友戲稱為「孤寒」的 SIM 卡與 SD 卡共用的設計!A9 (2016) 一共有兩個卡槽,一個置於機頂而另一個置於手機右側,當中置於手機右側的卡槽就可以放 SIM 卡與 SD 卡。對於呢個設計,我哋實在可以用百 X 成材來形容,係一件好事!icon

另外,今次版主再用左 5.7 吋芒的 Galaxy Note 5 跟 6 吋芒的 A9(2016) 做個比一比。係外型上,可以見到受屏幕大小所影響,兩部機大小分係可以見到的,但就相差不遠。不過,係機背方面,因為 Note 5 係有弧度,而 A9 (2016) 就係一個平面的 2.5D 玻璃,所以個人覺得 Note 5 的手感會比較好(而且 6 吋巨芒對版主個人而言實在太大了,個人最喜歡的 A 系手機都是 A5 (2016)呢!)。當然, Galaxy A9 (2016)對比 Note 5 都有優點的,大家都知 Note 5 銀色面機背可以話係「指紋收集器」,而 A9(2016)今次只係出左白、粉紅同埋金三色,版主試過晒就覺得無咁容易留下指紋嘅!

對撼 Note 5! Samsung A9 (2016) 效能+電量版主試-2
▲以一部 6 吋芒手機來講, A9 (2016) 算是不錯的。

對撼 Note 5! Samsung A9 (2016) 效能+電量版主試-3
▲ 今次版主試玩的是「粉紅金」版本。說實的,從男性用家各度來看, A9 (2016) 幾隻色看起來都唔多夠「男兒氣慨」,好難選擇。

對撼 Note 5! Samsung A9 (2016) 效能+電量版主試-4
▲係機頂 A9 (2016) 有一個 SIM 卡槽(機側仲有多個),機底就有 3.5mm 插口。

對撼 Note 5! Samsung A9 (2016) 效能+電量版主試-5
▲ 前置相機有 800 萬像素,比起 A5 (2016) 、 A7 (2016) 高。

對撼 Note 5! Samsung A9 (2016) 效能+電量版主試-6
▲ 指紋掃描可以話係時下手機必備,呢樣野係 A9 (2016) 上一樣係有的。

對撼 Note 5! Samsung A9 (2016) 效能+電量版主試-7
▲ 終於放棄 SD 卡與 SIM 卡共用的 A9 (2016) 有兩個 SIM 卡槽,兩個都係 Nano SIM 的。

對撼 Note 5! Samsung A9 (2016) 效能+電量版主試-8
▲而家再來個 Note 5 、A9 (2016) 比一比。(唔好意思,同事部 Note 5 比較殘icon

對撼 Note 5! Samsung A9 (2016) 效能+電量版主試-10
▲機背上,兩者看起來仍然係有分別的,因為 A9 (2016) 用的是 2.5D 玻璃。

對撼 Note 5! Samsung A9 (2016) 效能+電量版主試-11
▲今次近距離睇一睇,可以見到兩部機都有窄邊框,呢樣對於大芒機而言係幾重要的。

對撼 Note 5! Samsung A9 (2016) 效能+電量版主試-12
▲ 兩部手機的左邊都有音量鍵。

對撼 Note 5! Samsung A9 (2016) 效能+電量版主試-13
▲除左 Note 5 多左支筆之外,可以見到係機底同機面,兩部機佈局係差不多一樣的。

對撼 Note 5! Samsung A9 (2016) 效能+電量版主試-14
▲係手機右側的電源鍵下面, A9(2016) 有多個 SIM 卡槽。


處理器為 Qualcomm S652 ,跑分更勝 S808 的 G4 !

大家都明白,作為一部大廠中高階手機,用上旗艦級數的處理器可以話係無可能嘅,但偏偏以 6 吋手機市場來講,有著不俗效能的選擇少之又少,現時來計一般行貨 6 吋巨芒機都只有 Qualcomm S615 水平。幸好, Galaxy A9 (2016) 同之前的 A7 (2016)以及 A5 (2016) 不同,在處理器方面用左最新的 Qualcomm S652 再配 3GB RAM ,從安兔兔的跑分成績可見, A9 (2019)得分比起用上 Qualcomm S808 的 LG G4 還要高,雖然跟用上 Qualcomm S810 的旗艦級手機好似 HTC One M9 相比都仲有段距離。但作為一部中階機,大家應該會滿意吧?

對撼 Note 5! Samsung A9 (2016) 效能+電量版主試-15
▲在安兔兔方面,可以見到 A9 (2016) 始終係中階級別,未能超越 S810 旗艦機的分數。

對撼 Note 5! Samsung A9 (2016) 效能+電量版主試-16
▲係 Vellamo 上, A9(2016) 表現相當神勇,但單核同多核都只係僅次於 Galaxy S6 。

對撼 Note 5! Samsung A9 (2016) 效能+電量版主試-17
▲係 Basemark 2.0 上, A9 (2016) 有成 58.59 FPS ,算係唔錯。
 

相機前鏡像素更高,但使用上有點不方便?

係相機部份, Galaxy A9(2016) 要留意的地方就係前鏡方面比起「兄弟機」 A5(2016) 、 A7 (2016) 係更好的,有 800 萬像素鏡頭。不過,作為一部主打女性用家的巨芒機(點解話係主攻女性用家?從顏色上可以見到啦!) Galaxy A9 對女性而言,係自拍方面其實不算很方便。版主將 A9(2016) 交予 Model 試自拍,佢哋就提到因為 A9(2016) 屏幕實在太大同時邊框又窄,係按快門鍵的時候同時間好易誤觸到屏幕其他位置,做成影唔到相的情況。所以版主建議係使用前鏡時,將音量鍵當快門咁用相信會比較輕鬆。

至於主鏡頭方面, A9(2016)一樣有光學防手震兼 F1.9 大光圈,整體表現其實差不多。優點都係白平衡算準確,而且雙擊開啟相機速度同 S6 edge 呢啲 Samsung 旗艦一樣快。成像質素唔可以話係差但因為有細節不及 Note 5 等旗艦銳利,又有輕微油畫化,所以分別都係明顯的。

對撼 Note 5! Samsung A9 (2016) 效能+電量版主試-18 對撼 Note 5! Samsung A9 (2016) 效能+電量版主試-19

對撼 Note 5! Samsung A9 (2016) 效能+電量版主試-20 對撼 Note 5! Samsung A9 (2016) 效能+電量版主試-21

對撼 Note 5! Samsung A9 (2016) 效能+電量版主試-22 對撼 Note 5! Samsung A9 (2016) 效能+電量版主試-23


小結:仲有電量測試未做,做埋再講!

Galaxy A9 (2016) 的賣點之前都提過好多次,就係 6 吋巨芒同時有 4000mAh 大電。係外型上, A9 (2016) 有 6 吋大芒的時候,感覺卻只有一般 5.7 吋手機大小,算係做得不錯。但係 4000mAh 電池表現又如何呢?版主將會為 A9 (2016) 跑埋 GreekBench 3 ,聽日就會有結果!等待的過程係難頂嘅,所以而家先附上同門 Galaxy A5 (2016)  GreekBanch 3 數據供大家參考~icon

對撼 Note 5! Samsung A9 (2016) 效能+電量版主試-25
▲ 要強調!!!!!!呢個係 A5 (2016) 的分數,只係作為參考用!

對撼 Note 5! Samsung A9 (2016) 效能+電量版主試-26
▲ 想不到,呢個就係 Galaxy A9 (2016) 成績,看來跟大家想像中的結果有點落差呢!

在文章發佈時, Samsung Galaxy A9 (2016) 定價為 $3998 ,將於 1 月 29 日正式發售,按此看手機詳細規格及最新賣價。