版主實機對比話你知!Samsung S7/S7 Edge 外型進步有幾大

2016-02-21 19:25
最新發佈的 Galaxy S7 以及 Galaxy S7 Edge,雖然有比前代更強悍的效能、 f1.7 大光圈相機以及加入可插卡、防水防塵等實用功能。但在外型上,不少網友都指 Galaxy S7、Galaxy S7 Edge 跟前代相比變化不大,誠意欠奉。事實上, S7 同 S7 Edge 又係咪真係零改變呢?版主就係西班牙現場試玩過,一齊睇下實機比較啦!

版主實機對比話你知!Samsung S7/S7 Edge 外型進步有幾大
 

外型差別不大,實際進步其實不少?

Galaxy S7 同 Galaxy S7 Edge 一睇就知延續左 Galaxy S6 系列的設計元素。同樣具備前後玻璃、金屬邊框、圓潤設計等外形特色,所以驟眼看來分別並不大。但係存細上手試玩過之後, ePrice 台灣站版主就認為,在手感方面,因為 S7 同 S7 Edge 的屏幕邊框更加窄,所以係整體手感方面其實有所提升。另外,對比前代 Galaxy S6 ,兩部新旗艦其實有四個唔顯眼,但用起上來卻頗為重要的改變呢!

美型雙旗艦:Samsung Galaxy S7、S7 Edge 實機直擊與外型比較

Samsung Galaxy S7 與 S6 外型與規格比較!
▲ Galaxy S7 維持返 5.1 吋芒。

Samsung Galaxy S7 與 S6 外型與規格比較!
▲ 從正面外觀來看,雖然 Galaxy S6 (左) 與 Galaxy S7 (右) 好難分辨,但兩者係一些小細節上仍然見到差異,例如 Galaxy S7 正面採用 2.5D 玻璃,看起來就比 S6 更有圓潤感。
 

邊框比上代更窄!更勝 LG G4 ,iPhone 6s Plus !

這個改變未必能一眼看出,但 Galaxy S7 系列新機的確擁有更窄的屏幕邊框設計。從 Samsung 提供的資料來看,用上 5.1 吋芒的 Galaxy S7 機身寬度只有 69.5mm,在屏幕尺寸無縮水的情況下,闊度比 Galaxy S6 窄了 0.9mm;而用上 5.5 吋大芒的 Galaxy S7 Edge 機身闊度也只有 72.6mm ,跟其他屏幕呎吋一樣的旗艦,好像 LG G4 (寬度 76.1mm)和 iPhone 6s Plus (寬度77.8mm) 相比,就可以見到今次 Galaxy S7 Edge 的邊框有多窄了。

美型雙旗艦:Samsung Galaxy S7、S7 Edge 實機直擊與外型比較
▲ 曲芒+窄邊框二合一,結果就係機身闊度比起屏幕呎吋相同的對手, S7 Edge 闊度控制更出色。

美型雙旗艦:Samsung Galaxy S7、S7 Edge 實機直擊與外型比較
▲ 再來多張「下爬照」,雖然無得拆出來,但都可以見到窄邊框啊~
 

手感更好的原因係乜?改用了不同的玻璃

上面提到,設計無大改變,但新的 S7 以及 S7 Edge 手感相較前代卻好得多,當中主因其實係兩部新機用上左唔同的玻璃。先講 S7 ,佢嘅前、後玻璃分別為 2.5D 同埋 3D 玻璃。而擁有雙曲面屏幕的 Galaxy S7 Edge 就前後都用上 3D 玻璃。呢個改變得出結果就係,令手機握感更為圓潤,與過去的 S6 Edge 相比,握起來的刮手感改善非常多。

美型雙旗艦:Samsung Galaxy S7、S7 Edge 實機直擊與外型比較
▲ 係外觀上並不明顯,但改成「雙 3D 玻璃」的 S7 Edge ,手感對比前代其實好得多!

Samsung Galaxy S7 與 S6 外型與規格比較!
▲再用 S6 以及 S7 做個比一比,可以見到, S7 機背用左近似 Note 5 的處理,同前代係唔同的。
 

「火山口」鏡頭無咁顯眼,電量亦有提升

另外,Galaxy S7、Galaxy S7 Edge 亦改善左上一代鏡頭突出問題,令相機的外觀設計更為平整。另外,手機外觀變動雖然唔大,但電池容量就有相當顯著的提升。 Galaxy S7 的電池從 Galaxy S6 的 2,550mAh 一口氣增加到 3,000mAh;Galaxy S7 Edge 更提升到 5.5 吋旗艦機種少見的 3,600mAh 大容量。不過,電量大左,厚度同重量其實都受到影響。以 S7 Edge 為例,厚度就有 7.7mm 以及重 157g ,對比 5.7 吋大芒的 S6 edge+ 更厚、更重。

美型雙旗艦:Samsung Galaxy S7、S7 Edge 實機直擊與外型比較
▲無錯, S7 同 S7 Edge 的鏡頭仍然係突左出來的,但對比前一代已經好得多了。(看下圖)

Samsung Galaxy S7 與 S6 外型與規格比較!
▲將 S6 同埋 S7 拼埋一齊睇,即時見到兩者係鏡頭同邊框處理上的分別。


加入防水設計,但 SIM 卡插槽要同 SD 卡共用

以下兩點在發佈會開始前大家應該已經知道。 S7 以及 S7 Edge 都加入了 IP68 防水、防塵功能,可以令手機放置於水下 1.5 公尺 30 分鐘都唔受損。另一方面 Samsung 亦加入了支援 SD 卡設計,但 SD 卡槽卻要同 SIM 卡槽共用,做唔到「真。雙卡雙待」。

美型雙旗艦:Samsung Galaxy S7、S7 Edge 實機直擊與外型比較
▲個人認為,為 S7 加入防水設計係十分重要的,因為玻璃材質好易沾上指模,需要經常清潔呢。

美型雙旗艦:Samsung Galaxy S7、S7 Edge 實機直擊與外型比較
▲ 呢方面比較尷尬, S7 用左 Samsung Galaxy A 系列常用做法(係 A9 不同), SD 卡要同 SIM 卡共用。
 

Samsung Galaxy S7 / S7 Edge 評測及報導
獨家!三星 Galaxy S7/S7 Edge 香港定價搶先爆,比上代平勁多?
版主實機對比話你知!Samsung S7/S7 Edge 外型進步有幾大
Samsung 都要跪低!再次支援 SD 卡兼加大電池,滿意嗎?
f1.7 大光圈+單反級數對焦!三星 S7/S7 Edge 相機 5 大賣點整合
規格全面比拼 !f1.7 大光圈 S7 Edge 大戰 LG G5,撐邊個?
G5、S7 Edge 鬥跑分!旗艦效能大戰, Samsung 還是 LG 蠃?
遊戲啟動器 + Always On 屏幕! 三星 Galaxy S7 上手評測 新功能
用戶福音!Samsung Galaxy S7、S7 Edge 大幅減少 Bloatware 數目
未開賣先拆解評測!Galaxy S7 水冷降溫裝置相機模組一次睇晒
評測 Samsung Galaxy S7 Edge 與 S6 相機夜拍成像比較!
插卡又如何?Galaxy S7、LG G5 不支援 Adoptable Storage
Samsung Galaxy S7 真機上手實測! Hands On 動手玩

在文章發佈時, Samsung Galaxy S7 Edge 將於 3 月 11 日開賣,定價為 $5998 ,按此看手機規格及最新賣價
在文章發佈時, Samsung Galaxy S7 將於 3 月 11 日開賣,定價為 $5198 ,按此看手機規格及最新賣價。​

您可能也喜歡▼