仲去體驗日? 教你即衝入舖 做私家評測 Galaxy S7 + S7 Edge

2016-03-03 18:59
話咁快 Samsung 就喺今日喺香港舉行發佈會,並表示會喺 3月11日發售大家講左好耐嘅 Galaxy S7 同埋 S7 Edge,我就知香港人其實好鐘意新野,任何新野都想好快快手咁試玩下,新手機更加唔例外啦,雖然今日距離 3 月 11 日相差約一星期,但唔代表大家要再等多一個星期,因為今日 3 月 3 日已經係唔少嘅手機舖頭有得玩!你問我有無見過 Samsung Galaxy S7 同 S7 edge 真機 ? 我見過!我真係見過!快過晒要等 email 回覆,要登記,要限時限刻,仲要唔夠機玩嘅乜乜體驗日,仲玩左好耐!  點樣可以提早試機,試機個陣,試乜最好?睇文吧。

仲去體驗日? 教你即衝入舖 做私家評測 Galaxy S7 + S7 Edge

仲去體驗日? 教你即衝入舖 做私家評測 Galaxy S7 + S7 Edge
我都去過唔少嘅手機體驗日,其中以三星嘅最悶。佢地太鐘意講書,我想來玩架咋,部機有乜,我一早知晒,或者睇網咪有囉!所以我今次選擇衝落舖試機,唔駛再去體驗日瞓覺。
 

手機連鎖店已有得玩

其實,要玩到新手機,唔洗特登同人去搶體驗日名額,仲要抽一個下午或夜晚,再聽佢講成堂書先可以唔知做唔做到一人一機咁玩部 S7 十分鐘。我知香港人嘅時間好寶貴,好多時大家都係想上手玩下試下佢嘅新功能就夠,更何況要喺周末假期抽半日去玩 ? 當你睇完我呢篇文,你就可能發現你屋企附近已經有得玩 S7,就腳之餘行入去就可以直接玩,如果只是去附近地方,你可以去 Samsung Brand Shop 或電器連鎖店到玩,既環保又快捷。今日發現衞訊搶先放係機係到作你玩,你入到去有好多野都可以試到咁制,而且可以上手試添,基本上咩功能都可以試到,唔明仲可以問下裡面嘅達人,最重要,我幾時去玩都得,唔駛聽人講癈話。
 

一定要試嘅 S7 / S7 Edge 要點


仲去體驗日? 教你即衝入舖 做私家評測 Galaxy S7 + S7 Edge
▲ 第一樣要試嘅,一定係試手感。我覺得大家可以拎部 Galaxy S7 Edge 上手,雖然去到 5.5 吋屏幕咁大,但係維持住窄邊框,你可以睇到我一隻手指就可以輕易去到屏幕不同位置。

仲去體驗日? 教你即衝入舖 做私家評測 Galaxy S7 + S7 Edge
▲ 用手再捽下背面,你可以摸下個火山口, Galaxy S7 Edge 嘅火山口相對 Galaxy S6 Edge 較平,而且你可以睇到背面邊位係經過圓邊設計,手感較上代更好,唯獨是表面材質較易沾染手指紋。

仲去體驗日? 教你即衝入舖 做私家評測 Galaxy S7 + S7 Edge
▲ 相機功能又係必試。試下相機功能,而舖頭嗰邊都幾好下架,俾左個黑洞俾大家去影下入面,咁就可以試到 F1.7 大光圈相機。你想下,體驗日邊有咁多器材俾你。

仲去體驗日? 教你即衝入舖 做私家評測 Galaxy S7 + S7 Edge
▲ 另外,Samsung S7 Edge 用得最新 Qualcomm 820 CPU,大家都想知道打機係幾爽。係手機舖現場嘅 Demo 機已經預載左遊戲,同時可以俾大家去試下遊戲模式,遊戲模式對打機嘅人都幾好,打機嗰陣唔會收到任何通知,都唔會因為唔小心禁左個 Muti Task 制同 Back 制而彈左 Game。

仲去體驗日? 教你即衝入舖 做私家評測 Galaxy S7 + S7 Edge
▲ 我今日去門市試玩,只要無乜人,基本上點玩都得,我就玩得好夠喉,地點就腳得黎又唔洗聽書咁直接玩,當玩到想買嗰陣就可以交出個銀包去預訂部電話(咁快 ? 唔等埋 LG G5 ?),價錢都算有驚喜,可以睇下版主 Lawerence 嘅報價文。好多體驗日,玩完都無得即時買機,把鬼咩,仲要一個仙 Discount 都唔俾,我去玩機,想買機,唔係想食野架,有無小食,關鬼我事。

最後,大家睇完呢篇文就可以去玩啦,首先你搵個 XX 出黎 (呢篇文提左好多次,再提似廣告,呢篇文無客戶提供四個字架!) ,小弟就無意中見到佢員工手上份野講太約有18間 XX 舖頭可以試,而小弟就喺太子間到玩嘅,行過嗰頭可以入去玩下。
發表於 2016-03-04 09:17
2 樓
咁搞笑? 咁官方體驗日實拍烏蠅 XDD
您可能也喜歡▼