三星 6GB + 四千大電中階手機 數碼通跌穿 $3000
三星 6GB RAM 又有四千大電的手機,相信應該有網友會猜到,版主所說的是中階機種 Galaxy C9 Pro,近日留意到,數碼通網店出現了新低價,$2998 就可以入手,大家估下,呢個價係咪已經係最低價呢?不過版主好了解網友,肯定會有網友話,三千蚊買成年幾前舊機,傻的嗎?係嘅,C9 Pro 的確是舊咗啲,係 2017 年 1 月的產物,不過以中階機來說,Specs 尚算可以接受,6 吋芒、6GB RAM、S653 處理器、四千大電,唔打機的話,其實好夠用,你同意嗎?相近價位,Nokia、ASUS 會否更好選擇?
如果你覺得,三星 C9 Pro 仲係用緊 16:9 芒,並沒有今時今日流行的 18:9 芒,不合你口味,咁差不多價位當中,還有甚麼可以諗得過的選擇?Nokia 7 Plus 賣 $3288,無減價,但佢唔單止係 Android One 手機,仲用上效能更強的 S660 處理器,而且電量都有 3800mAh,但缺點是沒有 6GB RAM。另外,相機雖然掛着蔡司名號,但拍攝質素還是依舊有待改進。呀,另外近期 ASUS ZenFone 5 都可以留意一下,6.2 吋 19:9 芒、S636 處理器、4GB RAM、64GB ROM,另還有 12MP + 8MP 雙鏡頭,大玩廣角之餘仲可以平平地玩 AI,又啱唔啱你心水呢?建議零售價為 $3298,不過 csl. 網店就平多少少,但都唔係好多,賣 $3133。三部機當中,你會點揀?
Samsung Galaxy C9 Pro 在文章發表時,數碼通網店賣價為 $2998,按這裡有詳細規格及最新賣價。
Nokia 7 Plus 在文章發表時,大舖賣價為 $3288,按這裡有詳細規格及最新賣價。
ASUS ZenFone 5 在文章發表時,csl. 網店賣價為 $3133,按這裡有詳細規格及最新賣價。