四千幾蚊入手三星 Galaxy Note9,呢個價係咪抵玩?

2019-02-02 13:09
版主窮,但又鍾意玩手機,所以成日都會留意住市場行情,邊度見到我認為抵玩的手機,我都會同網友分享,睇下會唔會有網友有興趣。最近留意到,有店舖將三星 Galaxy Note9 以四千幾蚊價錢出售,呢個價係咪抵玩價?網友又會否考慮?睇下文啦!

四千幾蚊入手三星 Galaxy Note9,呢個價係咪抵玩?

今次呢篇文章要說的是水貨,最近跟相熟先達店舖傾開,得知原來而家三星 Galaxy Note9 6GB + 128GB 韓水,已經跌到落 $4780,對比起大舖行貨價的 $6698,便宜多 $1900,當水貨同行貨賣價相距那麼大,想入手的網友,會唔會諗下水貨呢?至於 8GB + 512GB 版本,版主問過先達店舖,則暫時唔會入貨了。

當然,其實無 8GB + 512GB 其實都不緊要,有 6GB + 128GB 其實已很夠用,又可以另外自己加 512GB 的 microSD,理論上都好難用得爆。S845 處理器效能就不用多說,運行大型工序或者玩大型遊戲如《PUBG》,基本都沒有大問題。而呢部手機最有用莫過於枝 S Pen,除了讓你 Jot Notes 畫畫,影相時更可以充當快門 Remote,係方便的。在行貨依然處於高價的情況下,水貨四千幾蚊入手,也許會相對更值得考慮。網友點睇呢?

三星 Galaxy Note9 (6GB / 128GB) 在文章發表時,大舖賣價為 $6698,按這裡有詳細規格及最新賣價